హీరోయిన్ గా మెగా డాటర్ మొదటి ఎపిసోడ్

మెగాడాటర్ - నాగబాబు తనయ నీహారిక.. త్వరలో హీరోయిన్ గా టాలీవుడ్ అరంగేట్రం చేయనున్న విషయం తెలిసిందే. ఒక మనసు చిత్రంతో హీరోయిన్ అవుతోంది నీహారిక. ఇప్పటికే బుల్లితెర యాంకర్ గా సత్తా చాటుతున్న ఈ మెగా వారసురాలు.. ఇప్పుడు టీవీతో పాటు మరో మీడియా ద్వారాను ప్రేక్షకుల ముందుకు వచ్చేసింది.

ముద్దపప్పు ఆవకాయ్ పేరుతో ఓ వెబ్ సిరీస్ రూపొందింది. దీనికి సంబంధించిన ఫస్ట్ ఎపిసోడ్ విడుదల అయింది. ముద్దపప్పు అంత చప్పగా ఉండే అబ్బాయి, ఆవకాయ్ అంత ఘాటుగా అమ్మాయి మధ్య నడిచే లవ్ ఎపిసోడే ఈ వెబ్ సిరీస్. కెమేరా ఈమెకు కొత్త కాకపోవడంతో.. చాలా ఈజ్ తో నటించింది. గ్లామర్ విషయంలో కూడా పేరు పెట్టే అవకాశం లేకపోవడంతో.. చాలా బ్యూటిఫుల్ గా ఉందని చెప్పాలి.

డైలాగ్ డెలివరీ కూడా చాలా బాగుందని, ముఖ్యంగా లేటెస్ట్ జనరేషన్ యువతిగా నీహారిక నటన అద్భుతంగా ఉందనే ప్రశంసలు దక్కుతున్నాయి. ఇప్పటికే బుల్లితెరపై ప్రూవ్ చేసుకున్న మెగా డాటర్ - ఇప్పుడు వెబ్ మీడియాలోనూ క్లిక్ అయ్యే ఛాన్సులు పుష్కలంగా ఉన్నాయి. ఒకదాని వెనుక ఒకటి చొప్పున ఈమె స్పీడ్ చూస్తుంటే.. సిల్వర్ స్క్రీన్ పై కూడా వెలిగిపోవడం ఖాయమనే అనిపిస్తోంది. కానీ ఒక మనసు మూవీ రిలీజ్ అయ్యాకే.. ఈమె హీరోయిన్ కలలు సంపూర్తిగా నెరవేరాయని అనాలి.