ముక్క అవినాష్‌ ఎంగేజ్డ్‌.. అమ్మాయి ఎవరంటే!

జబర్దస్త్‌ తో గుర్తింపు దక్కించుకుని బిగ్‌ బాస్‌ తో మరింతగా పాపులారిటీని దక్కించుకుని ప్రస్తుతం స్టార్ కమెడియన్స్ షో లో రచ్చ చేస్తున్న ముక్కు అవినాష్‌ కు పెళ్లి ఫిక్స్ అయ్యింది. అనుజ అనే అమ్మాయితో అవినాష్‌ వివాహ నిశ్చితార్థం జరిగింది. ఆ విషయాన్ని స్వయంగా అవినాష్ సోషల్ మీడియాలో ఫొటోలు షేర్‌ చేసి తెలియజేశాడు. అవినాష్‌ పెళ్లి గురించి చాలా జోకులు చాలా రోజులుగా పడుతున్నాయి. అవినాష్ ప్రేమ వివాహం చేసుకుంటాడేమో అంటూ చాలా మంది అనుకున్నారు. కాని కుటుంబ సభ్యులు తమ సామాజిక వర్గం కు చెందిన అమ్మాయిని చూస్తే ఆ అమ్మాయిని చేసుకునేందుకు సిద్దం అయ్యాడు.

వీరి వివాహ నిశ్చితార్థం పెద్దగా సెలబ్రెటీలు లేకుండానే జరిగినట్లుగా తెలుస్తోంది. హడావుడి చేయకుండా నిశ్చితార్థం అయ్యింది అంటూ అనౌన్స్ చేశాడు అవినాష్. అతి త్వరలోనే పెళ్లి కూడా ఉంటుంది అంటూ అవినాష్ సోషల్‌ మీడియాలో పేర్కొన్నాడు. అవినాష్ ఇన్ స్టాగ్రామ్‌ లో.. ఎప్పుడైతే జీవితంలోకి కరెక్ట్‌ పర్సన్ వస్తారో అప్పుడు మరో ఆలోచన చేయాల్సిన అవసరం లేదు.. ఎదురు చూపులు అక్కర్లేదు. మా ఫ్యామిలీలు కలిశాయి.. ఆ తర్వాత మేము కలిశాము. మీరు చాలా సందర్బంల్లో పెళ్లి ఎప్పుడు అంటూ అడిగారు... అది త్వరలోనే నా అనుజాతో.. ఎప్పటిలాగే మీ అందరి ఆశీర్వాదాలు ఉండాలని కోరుకుంటున్నాను. మీ ముక్కు అవినాష్ సారీ మీ అనుజా అవినాష్‌ అంటూ పోస్ట్‌ చేశాడు.

సోషల్‌ మీడియా చాలా మంది అనుజ గురించి వెదికే ప్రయత్నం చేస్తున్నారు. అనుజా కూడా సోషల్‌ మీడియాలో కాస్త గుర్తింపు ఉన్న అమ్మాయే. ఆమె ఒక యూట్యూబ్‌ ఛానెల్ ను కొంత కాలంగా రన్ చేస్తుంది. ఆమె ఇన్ స్టా గ్రామ్‌ లో చాలా మంది ఫాలోవర్స్ ను కలిగి ఉన్నారు. గతంలో టిక్ టాక్ లో కూడా చాలా వీడియోలను చేసింది. ప్రస్తుతం ఇన్ స్టా రీల్స్ కూడా చేస్తూ కొద్ది మందికి సుపరిచితురాలు. ఆమె ఇన్ స్టా గ్రామ్ ఐడీ అనుజ వాకిటి అని ఉంటుంది. ఇప్పటి వరకు ఆమె ఫాలోవర్స్ కొంతే ఉన్నా కూడా ముక్కు అవినాష్ తో పెళ్లి నేపథ్యంలో ఆమె ఒక్కసారిగా సెలబ్రెటీగా మారిపోయింది. ప్రస్తుతం గూగుల్‌ లో కూడా అనుజ వాకిటి అంటూ సెర్చ్‌ చేస్తూ ఆమె గురించి తెలుసుకునే ప్రయత్నాలు చేస్తున్నారు.