ముమైత్ అవతారం మురిపించడం లేదే

ముమైత్ ఖాన్ గుర్తుకొచ్చినా.. ఆమెను చూసినా 'ఇప్పటికింకా నా వయసు నిండా పదహారే' అంటూ పోకిరిలో చూసిన పాట గుర్తుకు రావడంలో ఏ మాత్రం ఆశ్చర్యం ఉండదు. ఆ ఒక్క పాటతో మళ్లీ టాలీవుడ్ సినిమాలకి ఐటెం సాంగ్స్ అవసరం ఏంటో చాటి చెప్పిన బ్యూటీ ముమైత్.

తెలుగు.. తమిళ్.. హిందీ.. కన్నడ భాషల్లో 80కి పైగా సినిమాల్లో నటించేసిందంటే.. ముమైత్ ఖాన్ క్రేజ్ అర్ధమవుతుంది. వీటిలో మెజారిటీ వంతు సింగిల్ సాంగ్స్ మాత్రమే. అయితే.. ఇదంతా ఒకప్పటి ముమైత్ స్టోరీ మాత్రమే. తాజాగా ఐఫా వేడుకల్లో ముమైత్ ను చూసి అంతా ఆశ్చర్యపోయిన పరిస్థితి కనిపించింది. హెవీ మేకప్.. గ్రీన్ కలర్ భారీ డ్రెసింగ్ కి మల్టీ కలర్ మెరుపులు.. వీటన్నిటికీ తోడు.. క్లీవేజ్ షోకులు.. పైగా కాళ్లు ఓపెన్ కనిపించేలా ట్రాన్స్ పరెంట్ గెటప్ తో పెద్ద షాక్ నే ఇచ్చింది ముమైత్.

గతంలో తన డిఫరెంట్ లుక్స్ తోనే ఆకట్టుకున్న ఈ భామ.. ఇప్పుడు రేస్ లోనే కాదు.. అన్ని విషయాల్లోను వెనకపడిపోయిందనే చెప్పాలి. 32 ఏళ్ల ఈ అందగత్తెను ఇలాంటి లుక్ లో చూసి.. ఏంటీ అవతారం అనుకున్నారు చాలామంది. ఓ దశాబ్దం క్రితం ఎన్నో సంచలనాలు సృష్టించిన ఆ ముమైత్ ఖాన్ కి.. ఇప్పటి ముమైత్ కి చాలా తేడా స్పష్టంగా కనిపించేస్తోంది.

Like Us on Facebook : https://www.facebook.com/Tupakidotcom/