మహేష్ మర్చిపోయినా మురుగ గుర్తుంచుకున్నాడు

సౌత్‌ స్టార్‌ దర్శకుల జాబితాలో మురుగదాస్‌ ఖచ్చితంగా ఉంటాడు. తెలుగు, తమిళంలోనే కాకుండా బాలీవుడ్‌ లో సైతం మురుగదాస్‌ సత్తా చాటాడు. ఎన్నో బ్లాక్‌ బస్టర్‌ సక్సెస్‌ లను దక్కించుకున్న మురుగదాస్‌ మన సూపర్‌ స్టార్‌ మహేష్‌ బాబుకు మాత్రం 'స్పైడర్‌' చిత్రంతో ఎప్పటికి మర్చి పోలేని డిజాస్టర్‌ ఇయ్చాడు. ఆ కోపమో లేక మరేంటో కాని తాజాగా 'మహర్షి' చిత్రం ప్రీ రిలీజ్‌ ఫంక్షన్‌ లో తనతో వర్క్‌ చేసిన అందరు దర్శకులను తల్చుకున్నాడు కాని మురుగదాస్‌ ను మాత్రం వదిలేశాడు.

పూరిని మర్చి పోయినందుకు స్పెషల్‌ గా ట్విట్టర్‌ లో పోస్ట్‌ చేశాడు. కాని మురుగదాస్‌ విషయమై ఎలాంటి కామెంట్స్‌ చేయలేదు. దాంతో స్పైడర్‌ ఫ్లాప్‌ తో మురుగదాస్‌ పై మహేష్‌ కోపంగా ఉన్నాడనే టాక్‌ వచ్చింది. అయితే మురుగదాస్‌ మాత్రం 'మహర్షి' చిత్రం సూపర్‌ హిట్‌ కావాలంటూ మనస్ఫూర్తిగా కోరుకుంటూ శుభాకాంక్షలు చెప్పాడు. మురుగదాస్‌ కు శుభాకాంక్షలు చెప్పాల్సిన అవసరం లేదు, తన పేరును ప్రస్థావించని కారణంగా మహేష్‌ బాబు గురించి మురుగ పట్టించుకోనక్కర్లేదు. తమిళంలో సూపర్‌ స్టార్స్‌ ఆయన కోసం పడిగాపులు కాస్తున్నారు. ఇలాంటి సమయంలో మహేష్‌ కు ఆయన విషెష్‌ చెప్పడం ఆయన గొప్ప మనసుకు నిదర్శనంగా చెప్పుకోవచ్చు.

నేడు సినిమా విడుదలయిన సందర్బంగా మురుగదాస్‌ సోషల్‌ మీడియాలో స్పందిస్తూ... మహేష్‌ సర్‌ చాలా కష్టపడే వ్యక్తి, ఆయనకు సూపర్‌ హిట్‌ దక్కాలంటూ వినమ్రంగా పోస్ట్‌ చేయడం జరిగింది. స్పైడర్‌ తో డిజాస్టర్‌ ఇచ్చిన మురుగదాస్‌ పై కోపంగా ఉన్న మహేష్‌ బాబు ఫ్యాన్స్‌ తాజాగా ఆయన వ్యాఖ్యలతో కూల్‌ అయ్యారని చెప్పుకోవచ్చు. తమ అభిమాన హీరోకు విషెష్‌ చెప్పినందుకు పెద్ద ఎత్తున మురుగదాస్‌ కు కృతజ్ఞతలు తెలియజేస్తున్నారు.