మ‌హేష్‌-మురుగుదాస్‌.. సబ్జెక్ట్‌ అదేనా?

మ‌హేష్ ప్ర‌స్తుతం బ్ర‌హ్మోత్స‌వం షూటింగులో బిజీగా ఉన్న సంగతి తెలిసిందే. శ్రీ‌కాంత్ అడ్డాల ఈ చిత్రాన్ని శ‌ర‌వేగంగా పూర్తి చేస్తున్నాడు. అయితే ఈ సినిమా త‌ర్వాత మ‌హేష్ ఎవ‌రి ద‌ర్శ‌క‌త్వంలో న‌టిస్తాడు? అన్న‌దానికి ఇప్ప‌టికీ క్వ‌శ్చ‌న్‌మార్క్ క‌నిపిస్తోంది. మ‌హేష్‌ తో సినిమాలు తీసేందుకు న‌లుగురు ద‌ర్శ‌కులు చాలా సీరియ‌స్‌ గా క‌స‌ర‌త్తులు చేస్తున్నారు.

వారిలో మురుగ‌దాస్ ఇప్ప‌టికే స్పీడ్‌ గా పావులు క‌దుపుతున్నారట. త‌న‌దైన శైలిలో ఈసారి మ‌హేష్‌ తో ఓ సామాజిక సందేశం ఉన్న క‌మ‌ర్షియ‌ల్ సినిమాని తెర‌కెక్కించేందుకు రెడీ అవుతున్నారు. ఈసారి మ‌న న్యాయ‌వ్య‌వ‌స్థ‌లోని లొసుగుల‌పై బ్ర‌హ్మాస్ర్తం సంధించ‌బోతున్నాడు. ఇప్ప‌టికే మ‌హేష్‌ కి లైన్ వినిపించి ఓకే చేయించుకున్న మురుగ‌దాస్ పూర్తి స్థాయి స్ర్కిప్టుని రెడీ చేస్తున్నాడు. అయితే ఈ క‌థ ఠాగూర్ కంటే ముందు రాసుకున్న‌ది. ఆ పాత‌ క‌థ‌ను (న్యాయ‌వ్య‌వ‌స్థ‌పై అనుకున్న‌ది) ప్ర‌స్తుత నేప‌థ్యానికి జోడించి ప్రిన్స్‌ తో చేయ‌బోతున్నార‌ని తెలుస్తోంది.

ఏదేమైనా మురుగ‌దాస్ ఇంటెలిజెంట్ డైరెక్ట‌ర్‌. గొప్ప ఆలోచ‌న‌ల‌తో సినిమాలు తీసే స‌త్తా ఉన్న ద‌ర్శ‌కుడు. కాబ‌ట్టి ఇది మ‌హేష్ కెరీర్‌ లో ల్యాండ్ మార్క్ ఫిలిం అవుతుంద‌న‌డంలో సందేహ‌మే లేదు. ఏం జ‌రుగుతుందో వెయిట్ అండ్ సీ.