మహేష్ సినిమాలోనూ అది ఉంటుందట

సౌత్ ఇండియన్ డైరెక్టర్లలో మురుగదాస్ చాలా ప్రత్యేకంగా నిలుస్తాడు. అతడి ప్రతి సినిమాలోనూ అంతర్లీనంగా ఏదో ఒక మంచి విషయమో.. మంచి సందేశమో ఉంటుంది. అలాగని ఆ విషయాల్ని ప్రీచింగ్ తరహాలో చెప్పడు. కమర్షియల్ గా ఎంటర్టైన్ చేస్తూనే.. అంతర్లీనంగా సందేశాన్ని పాస్ చేయడం మురుగదాస్ స్టయిల్. కత్తి (ఖైదీ నెంబర్ 150).. తుపాకి.. రమణ (తెలుగులో ఠాగూర్).. ఇలా మురుగదాస్ తీసిన చాలా సినిమాల్లో ఈ విషయాన్ని గమనించవచ్చు. ఇప్పుడు మహేష్ బాబుతో చేస్తున్న సినిమాలోనూ మురుగ తన శైలి వదలట్లేదని సమాచారం. ఇందులో కూడా సామాజిక అంశాల్ని కమర్షియల్ టచ్ తో చెప్పే ప్రయత్నం చేస్తున్నాడట మురుగదాస్.

ఐతే మహేష్ సినిమా జానర్ ఏదని కాదని.. ఆ సినిమా కథకు సంబంధించిన విశేషాలు కానీ ఇప్పటిదాకా బయటికి రాలేదు. ఇందులో మహేష్ ఇంటెలిజెన్స్ ఆఫీసర్ పాత్ర పోషిస్తున్నాడన్న ఒక రూమర్ మాత్రం మొదట్నుంచి ప్రచారంలో ఉంది. అంతకుమించి ఈ సినిమాకు సంబంధించి హింట్స్ ఏమీ లేవు. ఐతే మురుగ ఈసారి కూడా హార్డ్ హిట్టింగ్ కాన్సెప్ట్ తోనే వస్తున్నాడని యూనిట్ వర్గాలు చెబుతున్నాయి. మరి మురుగ ఎలాంటి కథతో వస్తున్నాడో.. అందులో సామాజిక అంశాల్ని ఎలా మిళితం చేశాడో చూడాలి. ఈ సినిమా చిత్రీకరణ దాదాపుగా చివరి దశకు చేరుకుంది. టైటిల్.. ఫస్ట్ లుక్.. టీజర్ కోసం మహేష్ ఫ్యాన్స్ ఉత్కంఠగా ఎదురు చూస్తున్నారు. ఇంకొన్ని రోజుల్లోనే ఆ విశేషాలు బయటికి వచ్చే అవకాశముంది. జూన్ 23న ఈ చిత్రం విడుదల కానున్న సంగతి తెలిసిందే.

Like Us on Facebook : https://www.facebook.com/Tupakidotcom/