ఈ ముందస్తు లీక్‌ లు ఎందుకు మురుగా..?

సౌత్‌ ఇండస్ట్రీ దిగ్గజ దర్శకుల జాబితా లో ముందు వరుసలోనే మురుగదాస్‌ పేరు ఉంటుంది. ఆయన దర్శకత్వంలో వచ్చిన ‘స్పైడర్‌’ మూవీ మినహా ఈ మద్య కాలం లో వచ్చిన సినిమాలన్నీ కూడా వందల కోట్లు వసూళ్లు చేసినవే. సామాజిక అంశాల పై తనదైన శైలిలో కమర్షియల్‌ హంగులు దిద్ది సినిమాలు తీయడంలో మురుగదాస్‌ దిట్ట అని చెప్పుకోవచ్చు. సర్కార్‌ చిత్రం ముందు వరకు మురుగదాస్‌ వరుసగా చిత్రాలు చేస్తు వచ్చిన, ఆయన భవిష్యత్‌ సినిమాల గురించి మాత్రం క్లారిటీ ఉండక పోయేది. కాని ఇప్పుడు ఒక సినిమా చేస్తూనే మరో రెండు సినిమాలకు సంబంధించిన లీక్‌ లు ఇస్తున్నాడు.

‘సర్కార్‌’ చిత్రం తర్వాత రజినీకాంత్‌ హీరో గా మురుగదాస్‌ ఒక చిత్రం చేయబోతున్నాడు. వచ్చే నెలలో రజినీకాంత్‌, మురుగల కాంబో మూవీ పట్టాలెక్కబోతుంది. అందుకు సంబంధించిన ఏర్పాట్లు కూడా జరుగుతున్నాయి. రజినీకాంత్‌ తో మూవీ చేసేందుకు చాలా కాలంగా ఎదురు చూస్తున్న మురుగదాస్‌ ఎంతో ఉత్సాహంగా ఆ మూవీని పట్టాలెక్కించబోతున్నాడు. ఇదే సమయం లో తాను అజిత్‌ తో ఒక మూవీని, ఆ తర్వాత విజయ్‌ తో ఒక మూవీని తెరకెక్కించబోతున్నట్లుగా అనఫిషియల్‌ గా చెప్పుకొచ్చాడు.

ఈ మద్య కాలంలో మురుగదాస్‌ మూవీస్‌ మంచి వసూళ్లను అయితే దక్కించుకుంటున్నాయి, కాని మునుపటి స్థాయిలో మాత్రం ఉండటం లేదు అంటూ విమర్శలు వస్తున్నాయి. ఇలాంటి సమయం లో ముందస్తుగానే హీరోలతో కమిట్‌ మెంట్‌ తీసుకుంటే మంచిదనే ఉద్దేశ్యం తో మురుగ ఇలాంటి ముందస్తు వ్యూహం తో ముందుకు వెళ్తున్నట్లుగా తెలుస్తోంది. అంటే త్వరలో చేయబోతున్న రజినీకాంత్‌ మూవీ ఫలితం అటు ఇటు అయినా కూడా ముందే కమిట్‌ అయిన మూవీ కనుక అజిత్‌ ఖచ్చితం గా మురుగదాస్‌ తో మూవీ చేయాల్సి ఉంటుంది. ఆ కారణంగానే మురుగదాస్‌ ముందస్తు మూవీ ఒప్పందాలు చేసుకుంటున్నాడని తమిళ సినీ జనాలు అంటున్నారు.