ఆ సినిమా ఏమైంది మురుగుదాస్‌?

ప్రస్తుతం అందరూ తెలుగులో ఏ.ఆర్‌.మురుగుదాస్‌ కోసం ఎదురు చూస్తున్నాడు. ఎందుకంటే మనోడు అప్పుడెప్పుడో తెలుగులో స్ర్టయిట్‌ సినిమా ఒకటి చేశాడు. మెగాస్టార్‌ చిరంజీవితో స్టాలిన్‌ తీశాడు. కాని ఆ సినిమా తరువాత పెద్ద స్టార్ల కోసమే ఎదురుచూశాడు కాని.. తెలుగులో సినిమా మాత్రం చేయలేదు. ఇప్పుడిక సూపర్‌ స్టార్‌ మహేష్‌ కోసం చేస్తున్నాడు.

ఇక్కడ విషయం ఏంటంటే.. ఈ మధ్యనే మురుగుదాస్‌ గత ఆర్నెల్లుగా మహేష్‌ సినిమా కథ కోసం తెగ కష్టపడుతున్నాడనే న్యూస్‌ వినిపిస్తోంది. అయితే నిజానికి మురుగుదాస్‌ బాలీవుడ్‌ లో సోనాక్షి సిన్హా హీరోయిన్‌ గా ''అకీరా'' అనే సినిమాను తీస్తున్నాడు. ఈ సినిమా షూటింగ్‌ పూర్తయ్యి చాలా రోజులే అయింది. కాని ఇంతవరకు ఒక్క సింగిల్‌ పోస్టర్ కూడా బయటకు రాలేదు. మరి ఆర్నెల్ల నుండి మహేష్‌ సినిమా మీద వర్కు చేస్తుంటే.. ఈ సినిమా ఏమైనట్లు?

అసలు ఎప్పుడూ సినిమాలను షూట్‌ చేసి త్వరగా రిలీజ్‌ చేయడంలో ముందుండే మురుగ.. ఈసారి మాత్రం కాస్త స్లో గా చేస్తున్నాడు. ఒకవేళ సోనాక్షి చేసిన పెర్ఫామెన్స్‌ నచ్చలేదో ఏంటో..