పదును పెరుగుతున్న బాలీవుడ్ కత్తి

ఓ ప్రాబ్లెంను తీసుకుని దాని చుట్టూ కమర్షియల్ ఎలిమెంట్స్ తో స్క్రీన్ ప్లే రాసుకుంటాడని దర్శకుడు మురుగదాస్ కు గుర్తింపు ఉంది. అందుకే ఈయన సినిమాలు అన్ని భాషల్లోనూ క్లిక్ అవుతుంటాయి. కోలీవుడ్ లో సూపర్ హిట్ అయిన కత్తి సినిమా కూడా ఇలాగే ఓ సామాజిక కోణం లోంచి రాసిన స్టోరీనే. రైతుల ఆత్మహత్యలు అనే కాన్సెప్ట్ చుట్టూ నేరేట్ చేసిన స్టోరీ ఇది.

ఇదే సినిమాని తెలుగులో చిరంజీవి రీఎంట్రీకి ఫిక్స్ చేసుకోగా.. హిందీలో అక్షయ్ కుమార్ హీరోగా నిర్మించబోతున్నారు. గతంలో మురుగదాస్ తో కలిసి తుపాకి రీమేక్ హాలిడే లో నటించిన అక్షయ్.. ఈ సారి కూడా ఈ దర్శకుడితో వర్క్ చేయనున్నాడు. అయితే.. ఒరిజినల్ వెర్షన్ - బాలీవుడ్ సినిమాకి బోలెడు మార్పులు చేయాలని ఆలోచిస్తున్నాడట డైరెక్టర్ మురుగదాస్.

తమిళ్ వెర్షన్ లో రైతుల ఆత్మహత్యల చుట్టూ స్టోరీ తిరుగుతుంది. కానీ బాలీవుడ్ కత్తికి లీడ్ పాయింట్ మార్చి.. నీటి కరువు కాన్సెప్ట్ తో సినిమా తీయాలని మురుగదాస్ భావిస్తున్నాడట. దీనికి అక్షయ్ కుమార్ నుంచి కూడా గ్రీన్ సిగ్నల్ రావడంతో, ఇప్పుడు స్క్రీన్ ప్లేను మరింత పకడ్బందీగా ప్లాన్ చేస్తున్నారు. మొత్తానికి తెలుగు కత్తి ఇంకా పట్టాలెక్కకపోయినా.. బాలీవుడ్ లో మాత్రం ఈ కత్తి రీమేక్ పనులు వేగం పుంజుకున్నాయి.