మురుగదాస్ కష్టాలను ప్రభాస్ తీరుస్తాడా?

దర్శకుడు మురుగదాస్ కు సౌత్ ఇండియాతో పాటు నార్త్ ఇండియాలో కూడా మంచి క్రేజ్ ఉంది. ఈ దర్శకుడు తీసిన పలు సినిమాలు దేశంలోని పలు భాషల్లో రీమేక్ అవుతుంటాయి. కొన్నింటిని తానే రీమేక్ చేస్తుంటాడు కూడా.

విజయ్ నటించిన తుపాకి మూవీని హిందీలో అక్షయ్ కుమార్ హీరోగా హాలిడే పేరుతో చిత్రీకరించారు. సూర్య మూవీ గజినిని హిందీలో అదే పేరుతో ఆమిర్ ఖాన్ తో తనే రీమేక్ చేసాడు మరుగదాస్. తమిళ్ మూవీ రమణను తెలుగులో మెగాస్టార్ చిరంజీవి టాగూర్ పేరుతో పిక్చరైజ్ చేయగా.. హిందీలో గబ్బర్ అంటూ అక్షయ్ కుమార్ రీమేక్ చేశాడు. ఇలా ఒకే సినిమాను పలు మార్లు పిక్చరైజ్ చేయడానికి కారణం.. ఆయా సినిమాలకు అక్కడి ఆడియన్స్ ను ఆకట్టుకునే స్థాయి ఉన్నా.. అన్ని చోట్లా సమానమైన ఆదరణ గల హీరో లేకపోవడమే ఇందుకు కారణం. ఇప్పుడు ప్రభాస్ రూపంలో మురుగదాస్ కు దేశవ్యాప్తంగా క్రేజ్ ఉన్న హీరో దొరికాడు. భారీ బడ్జెట్ తో మూవీ తెరకెక్కించినా.. తిరిగి రాబట్టుకునేందుకు తగిన మార్కెట్ యంగ్ రెబల్ స్టార్ కు ఉంది.

అందుకే ప్రభాస్ తో ఓ భారీ చిత్రానికి ప్లాన్ చేసుకుంటున్నాడట మురుగదాస్. ఈ కాంబినేషన్ ఇప్పటికే ఆసక్తి కలిగించినా.. ఇప్పుడప్పుడే ఈ ప్రాజెక్ట్ పట్టాలెక్కే అవకాశం లేదు. ప్రస్తుతం సాహో చేస్తున్న ప్రభాస్.. మరో లవ్ స్టోరీ కూడా చేయనున్నాడు. మరోవైపు మురుగదాస్ కూడా విజయ్ తో ఓ సినిమా చేయాల్సి ఉంది. అసలు ఇంకా ప్రభాస్-మురుగదాస్ లు ఒక్కసారి కూడా కలవలేదని.. స్టోరీ డిస్కషన్స్ వరకూ మ్యాటర్ రాలేదని తెలుస్తోంది.