యంగ్ టైగర్ కి ఠాగూర్ రేంజ్ కథ

తన 25వ సినిమా నాన్నకు ప్రేమతోని సూపర్ స్పీడ్ తో కంప్లీట్ చేస్తున్నాడు జూనియర్ ఎన్టీఆర్. సుకుమార్ డైరెక్షన్ లో వస్తున్న ఈ మూవీలో రకుల్ ప్రీత్ హీరోయిన్ కాగా.. జనవరి 8న రిలీజ్ కానుంది ఈ చిత్రం. మరి దీని తర్వాత ఎన్టీఆర్ చేయబోయే ప్రాజెక్ట్ ఏంటి ? ఇప్పటివరకూ ఈ విషయంపై కన్ ఫ్యూజన్ ఉంది కానీ.. ఇప్పుడో క్లారిటీ వచ్చేసినట్లే. మురుగదాస్ చెప్పిన ఓ స్టోరీకి యంగ్ టైగర్ ఫ్లాట్ అయ్యాడట. తన నెక్ట్స్ వెంచర్ గా దీన్నే పట్టాలెక్కించడాలని డిసైడ్ అయ్యాడని టాక్.

ప్రస్తుతం ఈ స్టోరీకి పకడ్బందీ స్క్రీన్ ప్లే సిద్ధం చేస్తున్నాడు మురుగదాస్. డిఫరెంట్ పాయింట్స్ ను పట్టుకుని కమర్షియల్ ఎలిమెంట్స్ పక్కాగా జోడించే మురుగదాస్.. ఎన్టీఆర్ మూవీకి స్టోరీ - స్క్రీన్ ప్లే మాత్రమే అందిస్తున్నాడు. ఈ చిత్రానికి డైరెక్టర్ గోపీచంద్ మలినేని అని తెలుస్తోంది. ఈ ప్రతిష్టాత్మక చిత్రాన్ని నిర్మించబోయేది దిల్ రాజు. ఈ దర్శక నిర్మాతలు కూడా మురుగదాస్ చెప్పిన కాన్సెప్ట్ కి ఫ్లాట్ అయ్యారట. ఫుల్ స్క్రిప్ట్ కోసం ఆతృతగా ఎదురుచూస్తున్నారని తెలుస్తోంది.

నాన్నకు ప్రేమతో రిలీజ్ అయ్యాక.. వచ్చే ఏడాది ఫిబ్రవరిలో కొత్త సినిమాని సెట్స్ పైకి తీసుకెళ్లబోతున్నాడు యంగ్ టైగర్ ఎన్టీఆర్. చిరు కెరీర్ లో బిగ్గెస్ట్ హిట్ అయిన ఠాగూర్ కి.. స్టోరీ - స్క్రీన్ ప్లే మురుగదాస్ వే అని ప్రేక్షకులకు తెలుసు. అయితే అది రీమేక్. కానీ.. ఇది డైరెక్ట్ మూవీ కావడం విశేషం. తమ హీరో కెరీర్ లో బిగ్గెస్ట్ ఇచ్చే స్టోరీ అవుతుందని ఎన్టీఆర్ ఫ్యాన్స్ ఆశలు పెట్టుకుంటున్నారు ఇప్పటినుంచే.