పవన్‌ కొడుకు పేరుతో హీరోయిన్‌ సినిమా

ప్రస్తుతం బాలీవుడ్‌లో బయోపిక్‌ చిత్రాల హవా నడుస్తోంది. ముఖ్యంగా లేడీ ఓరియేటెండ్‌ చిత్రాలకు గిరాకీ పెరిగింది. నాయికల మధ్య పోటీ పెరిగింది. కంగన, ప్రియాంక, బాలన్‌ వంటి తారలు రేసులో స్పీడుమీదున్నారు. ఈ పోటీలో నేనేమీ తక్కువ కాదంటూ దూసుకుపోతుంది సోనాక్షిసిన్హా. దర్శకుడిగా మురుగదాస్‌ను ఎంచుకుని తనలో రెండవ కోణాన్ని ప్రపంచానికి పరిచయం చేయాలనుకుంటోంది.

ఇటీవలే మాల్దీవులు ట్రిప్‌ పూర్తిచేసుకుని ముంబైలో వాలిపోయింది. నేటి నుంచి షూటింగ్‌లో పాల్గొనడానికి రెడీ అయిపోయింది. ఈ చిత్రానికి 'అకీరా' అనే టైటిల్‌ను నిర్ణయించారు. తమిళ భాషలో తెరకెక్కిన ఓ చిత్రానికిది రీమేక్‌. వాస్తవానికి ఈ చిత్రంలో హీరోది మొయిన్‌ రోల్‌. కానీ కథను పూర్తిగా మార్పులు చేసి సోనాక్షి ఇమేజ్‌కు తగ్గట్టు తెరకెక్కించనున్నారు. సోనాక్షి కూడా ఈ చిత్రంతో లేడి ఓరియేటెడ్‌ పాత్రలో తళుక్కుమంటోంది. ప్రియాంకచోప్రా, బాలన్‌ తరహాలోనే ఈ భామ కూడా పాపులర్‌ అవుతుందేమో చూడాలి.