మహేష్-విజయ్.. మురుగదాస్ మల్టీస్టారర్

సౌత్ ఇండియన్ ఫిలిం సర్కిల్స్‌లో ఇప్పుడో కాంబినేషన్ గురించి హాట్ హాట్ డిస్కషన్లు నడుస్తున్నాడు. అగ్ర దర్శకుడు మురుగదాస్.. తెలుగు సూపర్ స్టార్ మహేష్ బాబు.. తమిళ స్టార్ విజయ్ కాంబినేషన్లో ఓ ద్విభాషా చిత్రానికి సన్నాహాలు చేస్తుననట్లుగా వార్తలొస్తున్నాయి. మురుగదాస్ స్వయంగా ఓ ఇంటర్వ్యూలో ఈ ప్రాజెక్టు గురించి మాట్లాడటం విశేషం. ఐతే ఇది వర్కవుటవుతుందో లేదో కానీ.. మురుగదాస్ మాత్రం వెరైటీ కాన్సెప్ట్‌ చెబుతున్నాడు.

ఆయన చెబుతున్న దాని ప్రకారం తెలుగు వెర్షన్లో మహేష్ హీరోగా ఉండి విజయ్ విలన్ పాత్రను పోషిస్తే.. తమిళ వెర్షన్లో విజయ్ ని హీరోగా మహేష్ ను విలన్ గా చూపిస్తాడట. ఇంతకుముందు మణిరత్నం ‘రావణ్’ విషయంలో ఇలాంటి ప్రయోగం చేశాడు. తెలుగు-తమిళ వెర్షన్లలో విలన్ పాత్ర చేసిన విక్రమ్.. హిందీలో హీరో క్యారెక్టర్ చేశాడు. ఇప్పుడు మురుగదాస్ చెబుతున్న ఆలోచన కూడా ఎగ్జైటింగ్ గానే అనిపిస్తోంది.

కానీ మహేష్ బాబు నెగెటివ్ రోల్ చేయడం అనే మాటనే జనాలు ఊహించలేకపోతున్నారు. విజయ్ విషయంలో తమిళ ప్రేక్షకుల ఆలోచన కూడా ఇలాగే ఉంటుంది. నిజంగా మురుగదాస్ ఈ ఆలోచనను తెరమీదికి తీసుకొస్తే ఈ చిత్రానికి హైప్ మామూలుగా ఉండదు. ఐతే ‘స్పైడర్’ తర్వాత విజయ్ తోనే సినిమా చేస్తానన్న మురుగదాస్ ఇందులోనే మహేష్ కు చోటు కల్పిస్తాడా.. లేక ఇంకెప్పుడైనా వీళ్లిద్దరి కాంబినేషన్లో సినిమా చేస్తాడా అన్నది చూడాలి.