అనిరుధ్ కొట్టుడు మామూలుగా లేదు

ఇటీవల కాలంలో ఒక సినిమా కు మంచి హైప్ క్రియేట్ అవ్వాలి అంటే ముందుగా సినిమాలోని పాటలు జనాల్లోకి చాలా ఈజీగా వెళ్లిపోవాల్సి ఉంటుంది. లేకపోతే ఏ సినిమాకు కూడా అనుకున్నంత స్థాయిలో అయితే ఓపెనింగ్స్ రావడం లేదు. ఇక ప్రస్తుతం సౌత్ ఇండస్ట్రీలో అయితే మ్యూజిక్ తోనే జనాలు ఎక్కువగా థియేటర్లోకి రప్పించే సంగీత దర్శకులలో అనిరుద్ రవిచంద్రన్ టాప్ లిస్టు లో ఉన్నాడు అని చెప్పవచ్చు.

ఎలాంటి మ్యూజిక్ ఇచ్చినా కూడా అన్ని వర్గాల వారికి కనెక్ట్ అయ్యే విధంగా ఉంటుంది. ఎలాంటి పాత్రనైనా సరే తనదైన శైలిలో కంపోజ్ చేసే అనిరుద్ ప్రస్తుతం సౌత్ ఇండస్ట్రీ లోనే కాకుండా దేశ వ్యాప్తంగా అత్యధిక పారితోషికం అందుకుంటున్న సంగీత దర్శకుల్లో ఒకరిగా నిలుస్తున్నాడు అనే చెప్పాలి. ఒక విధంగా అనిరుద్ కి ఎవరు కూడా సరైన పోటీని కూడా ఇవ్వడం లేదు. అతని దూకుడుకి ఇంత మొన్నటివరకు ఫామ్లో ఉన్న అగ్ర సంగీత దర్శకులు కూడా వెనుకబడి పోతున్నారు అనే చెప్పాలి.

యువన్ శంకర్ రాజా, సంతోష్ నారాయణన్ తమిళం ఇండస్ట్రీలో బాగానే రానిస్తున్నప్పటికి కూడా అనిరుధ్ మాత్రం వారి కంటే ఎక్కువ స్థాయిలో అవకాశాలు అందుకుంటున్నాడు. ఇక తెలుగులో దేవిశ్రీప్రసాద్ థమన్ కూడా అతని తర్వాతే అని చెప్పాలి. ఎందుకంటే ఇప్పుడు అతను టాలీవుడ్ పై కూడా స్పెషల్ ఫోకస్ చేశాడు.

ఎన్టీఆర్ కొరటాల కలయికలో రాబోయే బిగ్గెస్ట్ పాన్ ఇండియా సినిమా కోసం అనిరుద్ సెలెక్ట్ అయిన విషయం తెలిసిందే. రీసెంట్గా విక్రమ్ సినిమాతో భారీ విజయాన్ని సొంతం చేసుకున్న అనిరుద్ బ్యాక్ గ్రౌండ్ మ్యూజిక్ తో కూడా సినిమాకు మంచి హైప్ క్రియేట్ చేశాడు. ఇక ప్రస్తుతం అతని చేతిలో అయితే చాలా పెద్ద సినిమాలే ఉన్నాయి. బాలీవుడ్లో కూడా మొదటిసారి షారుక్ ఖాన్ జావాన్ సినిమాకు సంగీతం అందించబోతున్నాడు. అలాగే రజనీకాంత్ అజిత్ ఇలా మరికొంతమంది అగ్ర హీరోలకు కూడా సంగీతం అందించబోతున్నారు. ఇక అనిరుద్ రాబోయే రోజుల్లో మరో స్థాయికి వెళతాడు అనే చెప్పాలి.