కీరవాణి సంతానం.. సంగీతం దర్శకత్వం

హ్యాట్రిక్ బ్లాక్ బస్టర్లతో దూసుకుపోతున్న మైత్రీ మూవీ మేకర్స్ బ్యానర్ వారు రెండు వారాల్లో రెండు సినిమాలతో ప్రేక్షకులను పలకరించనున్నారు. మొదటి మూడు సినిమాలకు భిన్నంగా ఇవి రెండూ మీడియం రేంజ్ సినిమాలు. ఇవే కాకుండా మైత్రీ వారు తక్కువ బడ్జెట్ లో సినిమాలు కూడా ప్లాన్ చేస్తున్నారట.

ఇలా వారు నిర్మించనున్న సినిమాలలో ఒక సినిమా డీటెయిల్స్ ఇంట్రెస్టింగ్ గా ఉన్నాయి. ఈ సినిమా ద్వారా కీరవాణి తనయుల్లో ఒకరు దర్శకుడిగా మరొకరు సంగీత దర్శకుడు కమ్ నటుడిగా టాలీవుడ్ ఎంట్రీ ఇవ్వబోతున్నారు. కీరవాణి పెద్ద కుమారుడు కాల భైరవ ఇప్పటికే మంచి సింగర్ గా పేరుతెచ్చుకున్న సంగతి తెలిసిందే. మైత్రీ వారి సినిమాతో కాలభైరవ మ్యూజిక్ డైరెక్టర్ గా ఎంట్రీ ఇస్తాడట. అంతే కాదు ఈ సినిమాలో కాల భైరవ ఒక కీలక పాత్రలో కూడా నటిస్తాడట.

ఇక కీరవాణి చిన్న కుమారుడు సింహా ఈ సినిమాతో దర్శకుడిగా తన అదృష్టాన్ని పరిక్షించుకుంటాడట. సింహా 'రంగస్థలం' సినిమాకు సుకుమార్ అసిస్టెంట్ గా పనిచేశాడట. ఈ సినిమాకోసం ఒక ఇంట్రెస్టింగ్ కాన్సెప్ట్ తో ఒక కథ తయారు చేసుకున్నాడట. ఈ సినిమా అధికారిక ప్రకటన త్వరలో రానుందని సమాచారం. ఒకేదెబ్బకు రెండు పిట్టలు అంటే ఇదేనేమో. సారీ.. 2+(1) పిట్టలు.!