పుష్పలో నా క్యారెక్టర్ అదే: యాంకర్ అనసూయ

టాలీవుడ్ ఇండస్ట్రీలో గత కొంతకాలంగా ఎన్నో మార్పులు చూస్తున్నాం. అందులో ఒకటి ఫిమేల్ టీవీ యాంకర్స్ - ఫిమేల్ యూట్యూబ్ యాంకర్స్ సినిమాల్లో మెయిన్ క్యారెక్టర్స్ లో కనిపించడం. కొన్నేళ్లక్రితం ఈ మార్పు కనిపించలేదు కానీ రెండేళ్లుగా తెలుగులో చిన్న సినిమాల నుండి పెద్ద సినిమాల వరకు అన్నింట్లో యాంకర్స్ మాత్రం ఖచ్చితంగా తారసపడుతున్నారు. ప్రస్తుతం అలా టీవీ ప్రోగ్రాంస్ నుండి సినిమాలలో బిజీ యాక్ట్రెస్ గా మారిన యాంకర్ అనసూయ భరద్వాజ్. కొన్నేళ్లుగా టీవీ యాంకర్ గా కెరీర్ కొనసాగిస్తున్న అనసూయ.. సుకుమార్ దర్శకత్వంలో తెరకెక్కిన రంగస్థలం సినిమా రిలీజ్ అయినప్పటి నుండి ఒక్కసారి సినీసెలబ్రిటీగా మంచి క్రేజ్ దక్కించుకుంది.

ఆ క్రేజ్ కు తగ్గట్టుగానే అనసూయ సినిమాల్లో టీవీ ప్రోగ్రాంలలో అందాల ప్రదర్శన చేస్తూనే ఉంటుంది. నిజానికి అనసూయ టీవీ నుండి సినిమాల్లో పాపులారిటీ సొంతం చేసుకుంది అంటే ఖచ్చితంగా ఆమె గ్లామర్ కారణంగానే అని చెప్పవచ్చు. అయితే రంగస్థలం సినిమాకు రంగమ్మత్తగా సైమా అవార్డు కూడా అందుకుంది అనసూయ. ఇప్పుడు సుకుమార్ దర్శకత్వంలో తెరకెక్కుతున్న పాన్ ఇండియా మూవీ పుష్పలో కూడా కీలకపాత్ర పోషిస్తుంది. మరి రంగస్థలంలో అలరించిన అనసూయ.. ఈసారి ఎలాంటి క్యారెక్టర్ తో ప్రేక్షకులను అలరిస్తుందో చూడాలని ఆసక్తిగా ఎదురుచూస్తున్నారు.

అయితే తాజాగా అనసూయ పుష్ప సినిమాలో ఆమె క్యారెక్టర్ గురించి అడిగితే.. చెప్పి చెప్పానట్లుగా ఓ సమాధానం చెప్పిందట. ఏంటంటే.. పుష్పలో నా క్యారెక్టర్ ఎలా ఉండబోతుందో చెప్పలేను. కానీ సినిమాలో కీలకమైన పాత్ర డిజైన్ చేశారు సుకుమార్ గారు. సినిమాకి టర్నింగ్ పాయింట్ అయ్యేవిధంగా నా క్యారెక్టర్ ఉండబోతుంది. ఇదిలా ఉండగా.. అనసూయ తెలుగు సినిమాలు మాత్రమే కాకుండా అటు తమిళ మలయాళం సినిమాలలో కూడా నటించనున్నట్లు టాక్. ప్రస్తుతం ఆమె ప్రధానపాత్రలో నటించిన 'థాంక్యూ బ్రదర్' సినిమా రిలీజ్ గురించి వెయిట్ చేస్తోంది. మే 7న ఈ సినిమా ఆహా ఓటిటిలో రిలీజ్ కాబోతుంది.