మా అమ్మ సూపర్‌ ఉమెన్‌ -అఖిల్‌

అక్కినేని అఖిల్‌. ఇక రెండో సినిమా గురించి మనోడు చెప్పకపోయినా కూడా.. మరో రెండు నెలల్లో వంశీ పైడిపల్లి డైరక్షన్‌ లో అఖిల్‌ చేసే సినిమా తాలూకు కథను సెట్‌ చేసేస్తానని నాగ్‌ చెప్పేయడంతో.. ఇక అంతా సెట్టయిపోనట్లే. అందుకు ఫ్యాన్సు కూడా ఫుల్‌ హ్యాపీ.

ఇప్పుడు అఖిల్‌ మాత్రం.. తన సినిమాల సంగతేమే కాని.. ''అమ్మను చూస్తే చాలా గర్వంగా ఉంది'' అంటూ కొనియాడుతున్నాడు. రెండు రోజుల క్రితం అక్కినేని అమల టైపులో పేరు తెచ్చుకోవాలని స్వయంగా స్టార్‌ హీరో అల్లు అర్జున్‌ సైతం ఓ ఇంటర్యూలో చెప్పుకొచ్చిన సందర్భంలో.. అసలు అఖిల్‌ హ్యాపీనెస్‌ కు కారణం ఏంటో చూద్దాం పదండి. ఈరోజు ఉదయం కింగ్ నాగార్జున బ్లూ క్రాస్‌ బిల్డింగ్‌ లో జంతువుల కోసం ఎమర్జన్సీ వార్డు ఒకటి ఓపెన్‌ చేశారు. స్వయంగా ఆ వార్డును కట్టడం కోసం తానే డబ్బులు డొనేట్‌ చేసిన నాగ్‌.. తానే ఓపెనింగ్‌ కూడా చేశారు.

''ఈ రోజు హైదరాబాద్‌ లో బ్లూ క్రాస్‌ ఈ రేంజులో ఉందంటే.. దానికి అమ్మ కృషే కారణం. జంతువుల కోసం ఇప్పుడు పూర్తి స్థాయి హాస్పిటల్‌ మనకు అందుబాటులో ఉన్నట్లే. అమ్మను చూస్తే చాలా హ్యాపీగా ఉంది. ఎవరైనా కూడా గర్వపడాల్సిందే. మా అమ్మ సూపర్‌ ఉమెన్‌ అంతే'' అంటూ ఈ సందర్బంగా అఖిల్‌ కామెంట్ చేశాడు.