క్రైమ్ ట్రై చేస్తానంటున్న అర్జున్ రెడ్డి దర్శకుడు

అర్జున్ రెడ్డితో కొత్త ట్రెండ్ కు శ్రీకారం చుట్టి పరిశ్రమతో పాటు ప్రేక్షకులూ తన గురించి మాట్లడుకునేలా చేసిన సందీప్ రెడ్డి వంగా ప్రస్తుతం దాని హింది రీమేక్ కబీర్ సింగ్ ప్రమోషన్స్ లో బిజీగా ఉన్నాడు. ఈ నెల 21న విడుదల కానున్న ఈ మూవీపై నార్త్ లో మంచి అంచనాలు ఉన్నాయి. దానికి తగ్గట్టే ట్రైలర్ కూడా భారీ స్పందన దక్కించుకుంది. అయితే సందీప్ దీని తర్వాత ఏ సినిమా చేస్తాడనే క్లారిటీ మాత్రం ఇప్పటి దాకా మిస్ అవుతూ వచ్చింది.

ఓ మీడియా ఇంటర్వ్యూలో సందీప్ దాని గురించి స్పందించాడు. క్రైమ్ బ్యాక్ డ్రాప్ లో కథను సిద్ధం చేసుకుంటున్నానని పాన్ ఇండియా లెవెల్ లో దీన్ని తీయబోతున్నట్టు చెప్పాడు. కేజిఎఫ్ తరహాలో అందరికి కనెక్ట్ అయ్యే యునివర్సల్ అప్పీల్ అందులో ఉంటుందని చెబుతున్నాడు. దీని కన్నా ముందు మహేష్ బాబుకో పాయింట్ చెప్పి పాస్ చేయించుకున్న సందీప్ ఒకవేళ ఫుల్ స్క్రిప్ట్ తో మెప్పించగలిగితే ముందు అది లైన్ లో పెట్టేస్తాడు. కాని అది సరిలేరు నీకెవ్వరు షూటింగ్ తర్వాత మాత్రమే సాధ్యమవుతుంది. ఒకవేళ ప్రిన్స్ కు నచ్చకపోయినా సందీప్ పైన చెప్పిన క్రైమ్ సబ్జెక్టు తో వేరే హీరోతో ప్రొసీడ్ అవుతాడు.

మరోవైపు విజయ్ దేవరకొండ తన లైఫ్ ఇచ్చిన సందీప్ వంగాతో మారోసారి వర్క్ చేయాలనీ ఎదురు చూస్తున్నాడు. కాని కమిట్ మెంట్స్ చాలా ఉండటంతో ఇద్దరూ కలవలేకపోతున్నారు. బహుశా వచ్చే ఏడాది ఈ కాంబో ఖచ్చితంగా రిపీట్ అయ్యే ఛాన్స్ ఉంది. ఈలోపు క్రైమ్ స్టొరీనో లేక మహేష్ తో క్రేజీ ప్రాజెక్టో ఏదో ఒకటి డిసైడ్ అవుతాడు సందీప్. ఇప్పటికే టాలీవుడ్ లో రెండేళ్ళు గ్యాప్ వచ్చేసింది కాబట్టి త్వరగా ఏదైనా చేయమని కోరుతున్నారు అభిమానులు