#మణికర్ణిక : పాపం క్రిష్‌ కు జీరో క్రెడిట్‌

తెలుగు దర్శకుడు బాలీవుడ్‌ లో తెరకెక్కించిన భారీ చిత్రం 'మణికర్ణిక'. కంగనా రనౌత్‌ ప్రధాన పాత్రలో క్రిష్‌ దర్శకత్వంలో మొదలైన ఈ చిత్రం నేడు ప్రేక్షకుల ముందుకు వచ్చింది. తాను మణికర్ణిక మొత్తం షూటింగ్‌ చేశాను, ప్యాచ్‌ వర్క్‌ మరియు గ్రాఫిక్స్‌ వర్క్‌ బ్యాలన్స్‌ ఉన్న సమయంలో తాను ఎన్టీఆర్‌ కు ఆఫర్‌ రావడంతో వచ్చేశానంటూ క్రిష్‌ చెబుతున్నాడు. అయితే కంగనా మాత్రం మేజర్‌ పార్ట్‌ నేనే చిత్రీకరించానని, క్రియేటివ్‌ సైడ్‌ మొత్తం క్రెడిట్‌ తనకే దక్కుతుందని చెప్పుకొచ్చింది. అయితే సినిమా టైటిల్‌ కార్డ్స్‌ లో మాత్రం క్రిష్‌ పేరును మొదట వేసి, తర్వాత కంగనా పేరును వేశారు.

టైటిల్స్‌ లో అయిన క్రిష్‌ కు గౌరవం దక్కిందిలే అని కొందరు భావించారు. కాని తాజాగా చిత్రం విడుదలైన తర్వాత క్రిష్‌ ను పట్టించుకునే వారే లేరు. రిపబ్లిక్‌ డే సందర్బంగా విడుదలైన 'మణికర్ణిక' చిత్రంపై బాలీవుడ్‌ సినీ క్రిటిక్స్‌ ప్రశంసలు కురిపించారు. బాలీవుడ్‌ వర్గాల వారు మరియు సినీ విశ్లేషకులు సినిమా గురించి స్పందించి మణికర్ణిక బాగా రావడానికి కారణం పూర్తిగా కంగనా రనౌత్‌ అన్నట్లుగా సోషల్‌ మీడియాలో కామెంట్స్‌ చేస్తున్నారు.

మణికర్ణిక గురించి స్పందించిన సెలబ్రెటీల్లో ఎక్కువ శాతం క్రిష్‌ పేరును కనీసం ప్రస్తావించలేదు. మొత్తం కూడా కంగనాకే క్రెడిట్‌ ఇచ్చారు. టైటిల్‌ కార్డ్స్‌ లో దక్కిన క్రెడిట్‌ సినిమా విడుదలైన తర్వాత మాత్రం దక్కలేదని చెప్పుకోవాలి. పాపం ఎన్టీఆర్‌ కోసం అంటూ మణికర్ణికకు క్రిష్‌ వచ్చాడు. కాని కంగనాతో విభేదించి క్రిష్‌ అక్కడ నుండి వచ్చాడనే విషయం అందరికి తెలిసిన రహస్యమే. క్రిష్‌ బయటకు వెళ్లిన తర్వాత సినిమాను పూర్తిగా కంగనా మార్చేసిందని బాలీవుడ్‌ వర్గాల అభిప్రాయం. అందుకే అంతా కూడా క్రిష్‌ కు క్రెడిట్‌ ఇవ్వకుండా కంగనాకే నూరు శాతం క్రెడిట్‌ ఇస్తున్నారు.