రత్తాలు భలేగా నవ్విందే..

కన్నడ బ్యూటీ రాయి లక్ష్మి సౌత్ లో అన్ని భాషల సినిమాల్లోనూ నటించింది. ప్రతి భాషలలోనూ లీడ్ రోల్స్ లో నటించడం మాత్రమే కాకుండా హాట్ ఐటెం నంబర్స్ లో కూడా నర్తించింది. 2005 లోనే తెలుగులో శ్రీకాంత్ హీరోగా నటించిన 'కాంచనమాల కేబుల్ టీవీ' సినిమాతోనే హీరోయిన్ గా ఎంట్రీ ఇచ్చింది. కానీ బ్రేక్ మాత్రం రాలేదు. 'సర్దార్ గబ్బర్ సింగ్' లో తోబా తోబా స్పెషల్ సాంగ్.. 'ఖైది నెం. 150' సినిమాలో రత్తాలు రత్తాలు పాటలతోనే పాపులారిటీ వచ్చింది.

ఈ బ్యూటీ ప్రస్తుతం కమెడియన్లు మధునందన్.. ప్రవీణ్ లు హీరోలుగా నటిస్తున్న 'వేర్ ఈజ్ ది వెంకటలక్ష్మి' సినిమాలో హీరోయిన్ గా నటిస్తోంది. టైటిల్ రోల్ కాబట్టి ఖచ్చితంగా ప్రాధాన్యత ఉన్న పాత్రే దక్కి ఉండొచ్చు. సరిగ్గా ఒక వారం క్రితం ఈ సినిమా నుండి 'ఏ మాయ చేసిందో' అంటూ సాగే ఒక లిరికల్ సాంగ్ ను రిలీజ్ చేశారు నిర్మాతలు. ఆ పాట సంగీత ప్రియులను మెప్పించింది. రీసెంట్ గా ఫిలిం మేకర్స్ ఈ సినిమా నుండి ఒక పోస్టర్ రిలీజ్ చేశారు.

రాయి లక్ష్మి అంటే హాట్ ఇమేజ్ ఉంది. కానీ ఆ ఇమేజ్ కు భిన్నంగా ఈ పోస్టర్ లో ఘాటు బ్యూటీ లా కాకుండా ఓ అందమైన అమ్మాయిలా ఫేస్ ను మాత్రమే చూపించారు. తను పోస్టర్లో అందంగా నవ్వుతూ ఉంది. బ్యాక్ గ్రౌండ్ లో బ్లాక్ అండ్ వైట్ లో మధునందన్ ప్రవీణ్ లు పల్లెటూరి గెటప్పులలో నడుస్తూ ఓ సెల్ఫీ తీసుకుంటూ కనిపించారు. గళ్ళ చొక్కాలు .. పొడవు నిక్కర్లు.. పైకి ఎగ్గట్టిన లుంగీలు... మెళ్ళో తాయెత్తులతో అచ్చమైన పల్లెటూర్లో ఉండే అమాయకమైన యువకుల్లా కనిపిస్తున్నారు.

నూతన దర్శకుడు కిషోర్ కుమార్ ఈ సినిమాతో తన లక్కును టెస్ట్ చేసుకోబోతున్నాడు. శ్రీధర్ రెడ్డి.. ఆనంద్ రెడ్డి.. ఆర్కే రెడ్డి ఈ సినిమాను సంయుక్తంగా నిర్మిస్తున్నారు. త్వరలోనే 'వేర్ ఈజ్ ది వెంకటలక్ష్మి' టీజర్ రిలీజ్ చేస్తారట.