మైత్రి ఆశలన్నీ నాని పైనే

ఓడలు బళ్ళు కావడం బళ్ళు ఓడలు కావడం అనే సామెత సినిమా పరిశ్రమలో అక్షరాలా సరిపోతుంది. దీనికి హీరోలు దర్శకులు నిర్మాతలు అని ఎలాంటి మినహాయింపు ఉండదు. టైం అన్నింటిని శాశిస్తుంది. ఇది మైత్రి మూవీ మేకర్స్ కి ప్రత్యక్షంగా అనుభవంలోకి వస్తోంది. ఇండస్ట్రీకి వచ్చిన అతి తక్కువ సమయంలోనే ముగ్గురు స్టార్ హీరోలతో మూడు ఇండస్ట్రీ హిట్స్ సాధించి ఏళ్లకేళ్లు అనుభవం ఉన్న సీనియర్లను సైతం ఔరా అనిపించిన మైత్రికి గత ఏడాది సెకండ్ హాఫ్ నుంచి బాగా బ్యాడ్ టైం వెక్కిరిస్తోంది.

సవ్యసాచి - అమర్ అక్బర్ ఆంటోనీ వరసగా షాకులు ఇవ్వగా భారీ అంచనాలతో తమ బ్యానర్ ని మళ్ళీ నిలబెడుతుందని నమ్మిన డియర్ కామ్రేడ్ పెట్టుబడి తెచ్చేందుకే కిందా మీద పడిపోవడంతో ఇంకో షాక్ తప్పలేదు. ఈ నేపధ్యంలో ఇప్పుడీ నిర్మాతల ఆశలన్నీ ఈ శుక్రవారం రాబోతున్న నాని గ్యాంగ్ లీడర్ మీదే ఉన్నాయి. పైన చెప్పిన ఉదాహరణలు ఫ్లాప్స్ అయినప్పటికీ ఏదోలా గట్టెక్కిన మైత్రి టీమ్ లాభాలు కళ్ళ చూడాలంటే మాత్రం గ్యాంగ్ లీడర్ మాములు హిట్ అయితే సరిపోదు.

బ్లాక్ బస్టర్ అనిపించుకుని నాని మార్కెట్ కు తగ్గట్టు ఓ ముప్పై కోట్ల షేర్ ని దాటిస్తే అప్పుడు మైత్రి మళ్ళి ట్రాక్ లో పడినట్టు అవుతుంది . బజ్ భారీగా లేదు కాని నాని సినిమాలు బాగుంటే స్లో పాయిజన్ లాగా జానానికి కనెక్ట్ అవుతాయి. మరి గ్యాంగ్ లీడర్ కూడా అదే తరహాలో హిట్టు కొడితే మైత్రి ఈజ్ బ్యాక్ అనొచ్చు. చూద్దాం ఇంకో నాలుగు రోజుల్లో ఎటూ తేలిపోతుందిగా. విక్రమ్ కుమార్ దర్శకత్వం వహించిన గ్యాంగ్ లీడర్ లో ఆరెక్స్ 100 ఫేం కార్తికేయ మొదటిసారి విలన్ గా నటిస్తున్నాడు.