వీడియో సాంగ్: కదిలించే ప్రేమ

మిల్కీ బ్యూటీ తమన్నా-సందీప్ కిషన్-నవదీప్ ల కాంబోలో రూపొందుతున్న నెక్స్ట్ ఏంటి డిసెంబర్ 7 రిలీజ్ కు రెడీ అవుతోంది. ఇప్పటికే విడుదలైన ట్రైలర్ ఇదో యూత్ ఫుల్ లవ్ స్టొరీ అనే ఇంప్రెషన్ క్రియేట్ చేసింది. బాలీవుడ్ ఫేం కునాల్ కోహ్లీ దర్శకత్వం వహించడం దీనికి ప్రధాన ఆకర్షణగా నిలుస్తోంది. అమీర్ ఖాన్ తో ఫనా సైఫ్ అలీ ఖాన్ తో హమ్ తుం లాంటి ఫీల్ గుడ్ ఎమోషనల్ లవ్ స్టోరీస్ ని డీల్ చేసిన కునాల్ మొదటి సారి తెలుగు స్ట్రెయిట్ మూవీ చేయడం నిజంగా ఆశ్చర్యం కలిగించే విషయం.

ఇక దీని ప్రమోషన్ లో భాగంగా ఇవాళ విడుదల చేసిన నా నువ్వే నిన్నేనా చూస్తున్నా అంటూ సాగే కూల్ మెలోడీలో రెండు జంటలు ఉన్నాయి. సందీప్ కిషన్ తో లారిస్సా తమన్నాకు తోడుగా నవదీప్ కనిపించడం విశేషం. రెండు డిఫరెంట్ షాట్స్ లో వేర్వేరుగా ఈ జంటలు పాటను పాడుకోవడం ఆసక్తి కలిగించేలా ఉంది. కపిల్ నాయర్-షాషా తిరుపతి హృద్యంగా పాడిన ఈ పాటకు లియోన్ జేమ్స్ స్వరకర్త. రామజోగయ్య శాస్త్రి సాహిత్యం అందించగా చాలా రోజుల తర్వాత ఇంగ్లీష్ పదం లేని చక్కని తెలుగు మెలోడీ విన్న ఫీలింగ్ కలిగించింది. రెండు నిమిషాలకు పైగా ఉన్న ఈ వీడియో ప్రోమోలో రెండు జంటలకూ సమాన ప్రాధాన్యం దక్కడం విశేషం.

మనీష్ చంద్ర భట్ ఛాయాగ్రహణం హై స్టాండర్డ్ లో ఉంది. నలుగురిలోకి తమన్నా తన ఎక్స్ ప్రెషన్స్ తోటి ఫుల్ మార్క్స్ కొట్టేసింది. నవదీప్ కూడా కొత్త హెయిర్ స్టైల్ తో వెరైటీగా ఉన్నాడు. సందీప్ కిషన్ లారిస్సా జోడి బాగుంది. బాలీవుడ్ తరహాలో రొమాంటిక్ ఎంటర్ టైనర్ గా రూపొందిన నెక్స్ట్ ఏంటి మీద మంచి అంచనాలే ఉన్నాయి. తెలుగులో డెబ్యు చేస్తున్న కునాల్ కోహ్లీ దీని మీద గట్టి నమ్మకంతో ఉన్నాడు