నా నువ్వేకు.. ఫుల్ క్లీన్ అంతే

ఒక్క సారి కథానాయకుడిగా ముద్ర పడ్డాక కెరీర్ లో వీలైనంత వరకు ప్రయోగాలు చేయాలనే విషయాన్ని నేటి తరం హీరోలు బాగానే నేర్చుకున్నారు. లెట్ వయసుల్లో చాలా వరకు కొన్ని చేయడానికి వీలు పడదు. అందుకే ముందుగానే చేయాల్సిన కథలు చేస్తే సంతృప్తిగా ఉంటుందని అంటారు. ప్రస్తుతం హీరో కళ్యాణ్ రామ్ కూడా అదే తరహాలో ఫాలో అవుతున్నారు. మొదటి సారి ఒక యువ క్లాస్ లవర్ బాయ్ గా కనిపించబోతున్నాడు.

నా నువ్వే సినిమా ఒక ఫుల్ లవ్ ఎంటర్టైనర్ గా రానుంది. రీసెంట్ గా సెన్సార్ పనులను పూర్తికి చేసుకున్న ఆ సినిమాకు క్లీన్ యు స‌ర్టిఫికేట్‌ ను దక్కింది. కళ్యాణ్ రామ్ సరసన తమన్నా హీరోయిన్ గా నటిస్తున్న సంగతి తెలిసిందే. ఇక యాడ్స్ ఫిల్మ్ మేకర్ జయేంద్ర చాలా రోజుల తరువాత ఒక సినిమా ద్వారా ప్రేక్షకుల ముందుకు వచ్చారు. ఈ సినిమాకు ప్రముఖ సినిమాటోగ్రాఫర్ పిసి.శ్రీరామ్ వర్క్ చేస్తుండడం ప్లస్ పాయింట్.

ఇక సినిమా రిజల్ట్ పై చిత్ర యూనిట్ చాలా నమ్మకంతో ఉంది. నిర్మాత‌లు కిర‌ణ్ ముప్ప‌వ‌ర‌పు - విజ‌య్ వ‌ట్టికూటి ఇటీవల నిర్వహించిన ప్రెస్ మీట్ లో సినిమా గురించి చెప్పారు. సినిమా తప్పకుండా ఆకట్టుకుందని కళ్యాణ్ రామ్ తన కెరీర్ లో మొదటి సారి సరికొత్త లుక్ లో కనిపిస్తున్నట్లు చెప్పారు.. అదే విధంగా తమన్నా చాలా అద్భుతంగా నటించిందని పీసీ శ్రీరామ్ కెమెరా వర్క్ సరికొత్త ఫీల్ ను కలిగిస్తుందని అన్నారు. ఇక సినిమాను జున్ 14న ప్రపంచ వ్యాప్తంగా భారీ స్థాయిలో రిలీజ్ చేస్తున్నట్లు నిర్మాతలు తెలిపారు.