కాలం కలిసి రాకుంటే 'ఐటెం' కూడా వికటిస్తుంది

కాలం కలిసి రానప్పుడు కట్టే కూడా పాము అయ్యి కుడుతుంది అంటారు. ఇప్పుడు రామారావు ఆన్ డ్యూటీ సినిమా కు అదే అయ్యింది అనిపిస్తుంది. హీరోగా రవితేజ నటించిన రామారావు ఆన్ డ్యూటీ సినిమా అన్ని విధాలుగా విమర్శలను ఎదుర్కొంటుంది. సినిమాలో కీలక పాత్రలో నటించిన సీనియర్ హీరో వేణు నటన బాగుంది.. పాత్ర బాగుంది కాని ఆ పాత్రకు ఆయన సొంత డబ్బింగ్‌ సెట్‌ అవ్వలేదు అంటూ విమర్శలు వస్తున్నాయి.

ఇక రవితేజ యాక్టింగ్ బాగుంది.. ఆయన మాస్ యాక్షన్‌ సన్నివేశాలు బాగున్నాయి కాని వాటిని ప్రజెంట్‌ చేసిన తీరు బాగాలేదు అంటూ ఉన్నారు. ఇక సినిమాకు ముఖ్యంగా మాస్ సినిమాలకు అత్యంత కీలకం అయిన ఐటెం సాంగ్‌ కూడా ఈ సినిమాకు వికటించినట్లుగా ట్రోల్స్ వస్తున్నాయి. సాదారణంగా అయితే సినిమాలకు ఐటెం సాంగ్‌ ప్రదర్శణ ఆకర్షణ విషయం అనేది తెల్సిందే.

రవితేజ రామారావు ఆన్ డ్యూటీ సినిమా లో మాత్రం ఐటెం సాంగ్‌ పెద్ద మైనస్ అన్నట్లుగా విమర్శలు వ్యక్తం అవుతున్నాయి. సినిమా లో ఐటెం సాంగ్‌ వల్ల అంతో ఇంతో మాస్ అప్పీల్ ఉంటుందని అంటారు. ఈ ఐటెం సాంగ్ సీసా మాత్రం పెద్దగా జనాలను ఆకట్టుకోలేదు. పైగా సీసా లో ఉన్న మద్యం చాలా నాసిరకం అన్నట్లుగా ట్రోల్స్ వస్తున్నాయి.

ఎంతో మంది ఉండగా వెళ్లి వెళ్లి అన్వేషి జైన్ ను తీసుకు రావడంకు కారణం ఏంటో దర్శకుడు శరత్‌ మరార్ చెప్పాల్సిందే. గతంలో అట్టర్ ప్లాప్‌ సినిమాల్లోని ఐటెం సాంగ్స్ కూడా బ్లాక్ బస్టర్‌ అయిన సందర్బాలు చాలా ఉన్నాయి. కానీ ఈ సినిమాలోని ఐటెం సాంగ్ ఏమాత్రం హెల్ప్‌ అవ్వలేదు. దర్శకుడి రాంగ్ ఛాయిస్ అంటూ రివ్యూవర్స్ కామెంట్స్ చేస్తున్నారు.

మాస్ రాజా గత చిత్రాల్లో ఉన్న ఐటెం సాంగ్స్ తో పోల్చితే ఈ ఐటెం సాంగ్‌ ఏమాత్రం ఆకట్టుకోలేక పోయింది. అందుకు కారణం ఏంటీ అనే విషయమై ఒకొక్కరు ఒక్కో విధంగా విశ్లేషిస్తున్నారు. హీరోయిన్‌ విషయంలో కొందరు కామెంట్స్ చేస్తూ ఉంటే.. కొందరు ఐటెం సాంగ్ మ్యూజిక్ లా లేదని మరికొందరు అంటున్నారు.

ఐటెం సాంగ్‌ సినిమాలో ప్లేస్ మెంట్‌ కూడా సరిగా లేదు అనేది మరి కొందరి అభిప్రాయం. మొత్తానికి రామారావు సినిమా లో ఐటెం సాంగ్ కూడా పెద్దగా ఆకట్టుకున్నది లేదు. దాంతో సినిమా కి మరింత డ్యామేజీ అంటూ స్వయంగా ఇండస్ట్రీ వర్గాల వారు అంటున్నారు.