వీడియో టాక్: హేట్ కాదు స్వీట్ అంటున్నారు

బాలీవుడ్ విశృంఖలత్వం కొత్త పుంతలు తొక్కుతోంది. స్కిన్ షోలు హద్దులు దాటేస్తున్నాయి. కలెక్షన్ల కోసం రసిక ప్రియులను మెప్పించడం కోసం హీరొయిన్లు దేనికైనా సై అంటున్నారు. సెన్సార్ ఒప్పుకోవాలే కాని మియా మల్కొవా అవసరం లేకుండానే వర్మ తీసిన జిఎస్టి లాంటి వీడియోలలో నటించడానికి హీరొయిన్లకు ఇప్పుడు కొరతే లేదు. పైగా రసిక ప్రియులు హింది సినిమాలకు మహారాజా పోషకులుగా మారడంతో వారిని మెప్పించడానికి ఎంత బూతైనా ఎంత ఎక్స్ పోజింగ్ అయినా చూపించడానికి దర్శక నిర్మాతలు సై అంటున్నారు. అందులో భాగంగా వస్తున్నదే హేట్ స్టొరీ 4. అక్రమ సంబంధాలు, కుట్రలు, ఎత్తుగడల చుట్టూ ప్రేమ అనే త్రెడ్ ని అల్లుకుని వచ్చిన మూడు భాగాలు కమర్షియల్ గా బాగానే సక్సెస్ అయ్యాయి. అందుకే వాటిని పూర్తిగా తలదన్నేలా 4వ భాగం కూడా సిద్ధం అయ్యింది.

ఇందులో నాం తేరా తేరా అనే పాటను వీడియో సాంగ్ రూపంలో ఇవాళ విడుదల చేసారు. ఊర్వశి రౌతేలా, ఇహానాలు రెచ్చిపోయి మరీ తమ అందాలు ఆరబోయటంతో రసిక రాజులు ఈ సినిమా విడుదల అయ్యే మార్చ్ 9 కోసం ఎదురు చూస్తున్నారు. అప్ లోడ్ చేసిన తక్కువ సమయంలోనే 30 లక్షల వ్యూస్ దాటేసిన ఈ పాట కౌంట్ ని పెంచుకుంటూ పోతోంది. గతంలో ఇదే సినిమా నుంచి విడుదల చేసిన ఆశిక్ బనాయా ఆప్నే పాట కూడా 50 మిలియన్ల వ్యూస్ దాటి రికార్డు సృష్టించింది. ఊహించని థ్రిల్స్ తో సినిమా మెప్పిస్తుందని దర్శకుడు విశాల్ పాండ్య చెబుతున్నప్పటికీ హాట్ సన్నివేశాల కోసమే సినిమా చూసే వాళ్ళు ఉన్నారు.

ఈ సిరీస్ లో సినిమాలు ఇంకా వస్తూనే ఉంటాయట. విడుదలకు ముందే ఇంత సంచలనం రేపుతున్న హేట్ స్టొరీ 4 ముందు ముందు ఇంకెంత రచ్చ చేయనుందో. ముఖ్యంగా సోషల్ మీడియాలో తన ఫోజులతో పిచ్చి పట్టిస్తున్న ఊర్వశి రౌతేలా ఇంచు కూడా మొహమాటం లేకుండా ఫుల్ డోస్ గ్లామర్ వడ్డించడంతో అంచనాలు ఓ రేంజ్ లో పెరిగిపోయాయి. మీరు ఎంజాయ్ చేయాలంటే మార్చ్ 9 దాకా వేచి ఉండక తప్పదు. ఇప్పటి దాకా విడుదల చేసిన రెండు పాటలు హిమేష్ రేషమియా పాత రీమిక్సులే కావడం విశేషం.