నయన్‌ కోసం షోలు పెంచేశారటగా

''ఎక్కడ చూసినా బీభత్సమైన రెస్పాన్స్‌.. విజయ్‌ సేతుపతి.. నయన్‌.. ఇరగదీసేశారు. అందుకే ఇప్పుడు పంపిణీదారులు అందరూ షోలు పెంచేస్తున్నారు'' అంటూ సెలవిచ్చాడు హీరో ధనుష్‌. మనోడు ఈ మధ్యన తను హీరోలుగా చేసిన సినిమాలకంటే.. తను ప్రొడ్యూస్‌ చేసిన సినిమాలపైనే ఎక్కువగా ఫోకస్‌ పెడుతున్నాడులే. ఆ సంగతేంటో చూడండి మరి.

'నానుమ్‌ రౌడీ దాన్‌' అనే సినిమాతో మరో హిట్టలు తన ఖాతాలో వేసుకుంది నయనతార. ఈ సినిమాలో విజయ్‌ సేతుపతి హీరోకాగా.. సినిమాను తన ప్రియుడు విఘ్నేష్‌ శివన్‌ రూపొందించాడు. అదేలే.. ఈ సినిమా తీసే టైములోనే ఇద్దరూ ప్రేమలో పడ్డారులే. సినిమాలో కామెడీ బాగుండటంతో కొందరు కనెక్ట్ అయితే.. సినిమాకు అనిరుధ్‌ అందించిన పాటలూ.. బ్యాగ్రౌండ్‌ స్కోర్‌ కోసం మిగిలిన వారు కనెక్టయిపోయారు. దానితో రేటింగ్స్‌ ఎలా ఉన్నా కూడా వర్డ్‌ ఆఫ్‌ మౌత్‌ మాత్రం పాజిటివ్‌ గా స్ప్రెడ్‌ అయ్యింది. ఇంకేముంది మరి.. వెంటనే దీనిని క్యాష్‌ చేసుకోవడానికి డిస్ట్రిబ్యూటర్లు ధియేటర్లను పెంచేశారు.

ఇకపోతే ఈ సినిమాలో నయన్‌ చాలా సన్నగా ఫ్రెష్‌ గా కనిపిస్తుండటంతో.. అమ్మడికి మాంచి పేరే వచ్చేసింది. చాలా కొత్తగా కొత్తరకం గ్లో తో అమ్మడి ముఖం వెలిగిపోతోంది. బహుశా మళ్ళీ ప్రేమలో పడింది కదా.. అందుకేమో!!