ఇస్మార్ట్ బ్యూటీకి యాక్సిడెంట్.. ఇలా షాక్ ఇచ్చిందేంటి..!

ఇస్మార్ట్ బ్యూటీ నభా నటేష్ నితిన్ మ్యాస్ట్రో సినిమా తర్వాత ఒక్క సినిమా చేయలేదు. సుధీర్ బాబు నన్ను దోచుకుందువటే సినిమాతో తెలుగు తెరకు పరిచయమైన అమ్మడు గ్లామర్, టాలెంట్ ఉన్నా సరే ఎందుకు అవకాశాలు అందుకోవట్లేదా అని అనుకున్నారు. 2022 లో నభా నటేష్ ఏ సినిమా చేయలేదు. దానికి కారణం చెప్పి అందరికి షాక్ ఇచ్చింది నభా నటేష్. లాస్ట్ ఇయర్ తనకు యాక్సిడెంట్ జరిగిందని.. తన లెఫ్ట్ షోల్డర్ కి గాయం అయ్యిందని. దాని కోసం చాలా సర్జరీలు జరిగాయని తన సోషల్ మీడియాలో షేర్ చేసింది నభా నటేష్.

లాస్ట్ ఇయర్ మొత్తం తనకు తగిన దెబ్బ వల్ల మీకు.. సినిమాలకు దూరంగా ఉన్నానని.. అయినా సరే తనని ఆదరిస్తూ.. తన మీద ప్రేమను చూపించిన మీ అందరికీ చాలా థాంక్స్ అని రాసుకొచ్చింది నభా నటేష్. అయితే యాక్సిడెంట్ ఎలా అయ్యింది.. ఎక్కడ అయ్యింది లాంటి విషయాల మీద మాత్రం నభా నటేష్ క్లారిటీ ఇవ్వలేదు.

లాస్ట్ ఇయర్ మొత్తం ఆమె ఆ దెబ్బ వల్ల బయటకు కూడా ఎక్కువ రాకుండా ఉందని తెలుస్తుంది. ఇస్మార్ట్ బ్యూటీకి జరిగిన యాక్సిడెంట్ గురించి తెలిసిన ఫ్యాన్స్ అండ్ ఫాలోవర్స్ ఆమెపై వారికి ఉన్న ప్రేమను.. అభిమానాన్ని చూపిస్తున్నారు.

నభా నటేష్ ఇస్మార్ట్ శంకర్ సినిమాతో సూపర్ పాపులర్ అయ్యింది. ఆ సినిమాలో తన ఊర మాస్ పాత్రలో ఆడియన్స్ కు దగ్గరైంది అమ్మడు. ఆ సినిమా తర్వాత రవితేజతో డిస్కో రాజా, సాయి ధరం తేజ్ తో సోలో బ్రతుకే సో బెటర్, బెల్లంకొండ శ్రీనివాస్ తో అల్లుడు అదుర్స్, నితిన్ తో మ్యాస్ట్రో సినిమాలు చేసింది. ఈ సినిమాల వల్ల ఆమె కమర్షియల్ గా హిట్ అందుకోకపోయినా తన గ్లామర్ తో మాత్రం ఆడియన్స్ కు బాగా దగ్గరైంది. తప్పకుండా ఆమెకు మంచి అవకాశాలు వస్తాయని అనుకున్నారు.

కానీ తనకు తగిన గాయాల వల్ల నభా నటేష్ వచ్చిన అవకాశాలను కూడా వదులుకుందని తెలుస్తుంది. సినిమాలు చేయకపోయినా ప్రేక్షకులు తన మీద చూపిస్తున్న ఈ అభిమానానికి కృతజ్ఞతలు చెబుతుంది అమ్మడు. ఇక తన జీవితంలో చేదు జ్ఞాపకాన్ని మిగిల్చిన 2022 కి గుడ్ బై చెప్పి 2023కి గ్రాండ్ వెల్కం చెప్పింది.

అంతేకాదు నేను మీ కోసం రెడీగా ఉన్నానంటూ సినిమాలు చేయడానికి సిద్ధమని చెప్పేసింది నభా నటేష్. రెగ్యులర్ గా హీరోయిన్స్ మీద స్పెషల్ ఫోకస్ చేసే మీడియా కూడా నభా కి జరిగిన యాక్సిడెంట్ గురించి ఎక్కడ లీక్ చేయలేదు. మొత్తానికి పూర్తిగా కోలుకున్న నభా నటేష్ ఇక వరుస సినిమాలు చేస్తానని అంటుంది.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.