ఫోటో స్టోరి: చార్లీ చాప్లిన్ గా న‌భా..?

అందాల చాప్లిన్ అదిరెను బెదిరెను.. చూడ‌గానే కిసుక్కున న‌వ్వాల‌నిపించేంత అందంగా ఉన్న ఈ చాప్లిన్ ఇంత‌కీ ఎవ‌రై ఉంటారు? అంటే.. ది గ్రేట్ ఇస్మార్ట్ బ్యూటీ న‌భా న‌టేష్ ఇలా అవ‌త‌రించారు.

ఇండస్ట్రీలో గ్లామ‌ర‌స్ నాయిక‌గా నిలకడగా అడుగులు వేస్తున్న ఈ బ్యూటీ ప్ర‌యోగాల‌కు వెరువ‌ను అని ప్రూవ్ చేస్తోంది. సినిమా సినిమాకి న‌భా మెరుగుపడుతోంది. ఇప్పటివరకు పరిశ్రమలో అత్యంత గ్లామరస్ హీరోయిన్ గా పాపులారిటీని పెంచుకుంది. క‌న్న‌డ నుంచి వ‌చ్చిన భామ‌ల్లో న‌భా డామినేష‌న్ ఇక‌పై పెర‌గ‌నుంది.

న‌భా ఇన్ స్టాలో కూడా చాలా యాక్టివ్ గా ఉంటుంది. నిరంత‌రం గ్లామరస్ స్నాప్ లను ఎక్కువగా పోస్ట్ చేస్తుంది. కానీ ఇప్పుడు చార్లీ చాప్లిన్ గా ప్ర‌త్య‌క్ష‌మైంది. ఈ సరదా ఫోటోషూట్ ఇప్పుడు అభిమానుల్లో వైర‌ల్ గా మారింది. న‌భా ఈ ఫోటోగ్రాఫ్స్ లో చాలా అందంగా కనిపిస్తోంది.

నభ న‌టేష్ చివరిసారిగా నితిన్ న‌టించిన `మాస్ట్రో`లో కనిపించింది. ప్ర‌స్తుతం కొన్ని సినిమాలు క్యూలో ఉన్నాయి. ప్రస్తుతానికి న‌భా ప్ర‌యోగాత్మ‌క ఫోటోషూట్ జెట్ స్పీడ్ తో వైర‌ల్ అవుతోంది. ఈ ఫోటోలు చూశాక న‌భాని అంత వైవిధ్యంగా ప్రెజెంట్ చేసే డైరెక్ట‌ర్ ఎవ‌రైనా క‌నిపిస్తారేమో చూడాలి.