ఫోటో స్టోరి: చీర‌లో సంపెంగ పువ్వంటి అందం

అమ్మాయికి చీర‌క‌ట్టు అందం. ఎంత మోడ్ర‌న్ డ్రెస్ లో క‌నిపించినా అప్పుడ‌ప్పుడు చీర ర‌వికెలో ఛ‌మ‌క్కు మంటే ఉండే కిక్కే వేరు. అందుకే భామ‌లు చీర‌కు ఇచ్చే ప్రాధాన్య‌త‌ను ఎంతమాత్రం త‌గ్గించ‌రు. ఇక వెండితెర‌పై చీర‌క‌ట్టులో దుమ్ము రేపేందుకు మ‌న క‌థానాయిక‌లు ఎప్పుడూ సిద్ధంగానే ఉంటారు.

పెద్ద తెర‌పై మాస్ మ‌సాలా కంటెంట్ తో అద‌ర‌గొట్టేసే ఇస్మార్ట్ న‌భా న‌టేష్ తాజాగా చీర‌లో ప్ర‌త్య‌క్ష‌మైంది. న‌భా మునుపెన్న‌డూ క‌నిపించ‌నంత స్లిమ్ గా మారిపోయింది. ఆ బులుగు రైక‌కు కాంబినేష‌న్ గా ప‌సుపు చీర‌లో అద‌ర‌గొట్టింది. ఎంతో స్లిమ్ గా మారిపోయాక చీర‌క‌ట్టులో ప్ర‌త్య‌క్ష‌మ‌వ్వ‌డంతో అస‌లు ఇది న‌భాయేనా? అని సందేహిస్తున్నారు.

ఇప్ప‌టికిప్పుడు వ‌రుస‌గా స్టార్ హీరోల స‌ర‌స‌న అవ‌కాశాలు అందుకుంటున్న న‌భా త‌దుప‌రి ప‌లు క్రేజీ చిత్రాల్లో క‌నిపించ‌నుంది. నభా త‌దుప‌రి అంధాధున్ తెలుగు రీమేక్ ‌లో రాధికా ఆప్టే పాత్రలో క‌నిపించ‌నున్న సంగ‌తి తెలిసిందే. ఈ సినిమా త‌న కెరీర్ లో తొలి రీమేక్ అని తెలిపిన న‌భా.. ఈ పాత్ర‌ ఛాలెంజింగ్ అని కూడా అంది.