కళ్లతోనే గుండెలు కొల్లగొడుతుందిగా ఈ సోలో బ్యూటీ!

కన్నడ ఇండస్ట్రీకి చెందిన కుర్ర హీరోయిన్ నభా నటేష్.. తెలుగు కుర్రకారుకు పెద్దగా పరిచయం అక్కర్లేదు. తెలుగులో క్రేజుతో పాటు వరుసగా సినిమా ఆఫర్స్ దక్కించుకుంటుంది. చేసింది తక్కువ సినిమాలే గాని యువతలో ఫాలోయింగ్ మాత్రం బాగానే సొంతం చేసుకుంది. కానీ ఎన్ని సినిమాలు చేసినా నభా కెరీర్లో బెస్ట్ పెర్ఫార్మన్స్ అంటే ఇస్మార్ట్ శంకర్ సినిమానే. ఆ సినిమాలో తెలంగాణ యాసతో పాటు బోల్డ్ గా నటించి కుర్రకారును ఫిదా చేసింది. నన్ను దోచుకుందువటే సినిమాతో తెలుగులో అడుగుపెట్టిన ఈ భామ.. ఇస్మార్ట్ శంకర్ తో ఫస్ట్ కమర్షియల్ బ్రేక్ అందుకుంది. అందులో నభా నటనతో పాటు అందాలు కూడా హైలైట్ అయ్యాయి. అప్పటినుండి స్టార్ హీరోలు సైతం వారి సినిమాలలో అవకాశాలు ఇవ్వడానికి ముందుకొచ్చారు.

గతేడాది డిస్కోరాజా సినిమాలో నటించింది కానీ ఆ సినిమా నిరాశకు గురిచేసింది. అలాగే సాయిధరమ్ తేజ్ సరసన 'సోలో బ్రతుకే సో బెటర్' మూవీని క్రిస్మస్ సందర్బంగా రిలీజ్ చేసింది. మోస్తారు విజయం అందుకున్న ఆ సినిమా తర్వాత బెల్లంకొండ శ్రీనివాస్ తో అల్లుడు అదుర్స్ సినిమా చేసింది. సోషల్ మీడియాలో నభా హల్చల్ చేస్తోంది. ఎప్పటికప్పుడు కొత్తకొత్త ఫోటోలను పోస్ట్ చేస్తుంది. తాజాగా అమ్మడు వైట్ కలర్ మోడరన్ డ్రెస్ లో మెరిసిపోతుంది. స్టైలిష్ ఆ డ్రెస్సులో నభా అందం రెట్టింపు చేసుకుంటుంది. కుర్ర హృదయాలతో కళ్ళతోనే వయ్యారి మాట్లాడేస్తుంది. రోజురోజుకి ఇండస్ట్రీలో నభా స్టార్డం మెల్లగా పెరుగుతూ వస్తోంది. ప్రస్తుతం తెలుగులో ఉన్న యంగ్ టాలెంటెడ్ హీరోయిన్లలో నభా ఒకరు. అందుకే చిత్రనిర్మాతలకు హాట్ ఫేవరెట్‌గా మారింది. ప్రస్తుతం నభా నితిన్ సరసన ‘అంధాధున్’ రీమేక్‌తో బిజీగా ఉంది. అలాగే పలు ప్రాజెక్ట్స్ చర్చల దశలో ఉన్నట్లు తెలుస్తుంది.