యంగ్ బ్యూటీ తెలిసీ ఆ త‌ప్పు చేస్తోందా?

టాలీవుడ్ లోకి ఉవ్వెత్తున దూసుకొచ్చింది క‌న్న‌డిగ న‌భా న‌టేష్. ఆరంభం సుధీర్ బాబు స‌ర‌స‌న న‌టించి హిట్ కొట్టింది. రామ్ స‌ర‌స‌న ఇస్మార్ట్ శంక‌ర్ చిత్రంలో న‌టించి బ్లాక్ బ‌స్ట‌ర్ ని ఖాతాలో వేసుకుంది. ఈ విజ‌యం న‌భాకి పెద్ద రేంజులోనే క‌లిసొచ్చింది. జూనియ‌ర్ ఇలియానా అంటూ ప‌లువురు నిర్మాత‌లు ఆఫ‌ర్లు ఇచ్చేందుకు వెన‌కాడ‌లేదు.

అయితే ఇలాంటి స‌మ‌యంలో న‌భా కెరీర్ ని ఎలా ప్లాన్ చేస్తోంది? అంటే.. ఊహించ‌ని త‌ప్పులు చేసి అడ్డంగా బుక్క‌యిపోతోంద‌నేది కొంద‌రు కాస్టింగ్ డైరెక్ట‌ర్ల విశ్లేష‌ణ‌. అస‌లు నభ ఎందుకు ఇలాంటి క్యారెక్టర్లు సెలెక్ట్ చేసుకుంటుంది..! అన్న వాద‌నను తెర‌పైకి తెచ్చారు కొంద‌రు.

``మొన్న డిస్కో రాజా ఇప్పుడు అంధాధున్ రీమేక్..! ఇవేవీ న‌భా కెరీర్ కి ప్ల‌స్ అవ్వ‌నివి.. అంటూ విశ్లేషిస్తున్నారు. ర‌వితేజ `డిస్కో రాజా` లో నభాకి అస‌లు క్యారెక్టర్ ఏం ఉండదు. అలానే అంధాధున్ లో హీరోయిన్ కూడా చేసేదేం ఉండదు. మొత్తం క‌థంతా హీరో చుట్టూ.. అలానే టబు క్యారెక్టర్ చుట్టూనే తిరుగుతుంది. నితిన్ పక్కన ఛాన్స్ అనగానే ఏం ఆలోచించకుండా ఒప్పేసుకుంది అని కొంద‌రు అంటున్నారు. నితిన్ .. ట‌బు ఇంపార్టెంట్ కానీ న‌భాకి ఏమీ ఉండ‌ద‌నేది వారి మాట‌.

`భీష్మ` చిత్రంతో బ్లాక్ బ‌స్ట‌ర్ అందుకున్న నితిన్ ఏమాత్రం ఆలోచించ‌కుండా ఒక రీమేక్ కి అంగీక‌రించ‌డం ఆస‌క్తిక‌రం. అయితే ఇందులో అత‌డికి న‌టించేందుకు ఫుల్ స్కోప్ ఉంది. ఉత్త‌రాది ఆడియెన్ ని మెప్పించిన ఈ చిత్రం ద‌క్షిణాది సెన్సిబిలిటీస్ కి త‌గ్గ‌ట్టు మార‌నుంది. మ‌రి న‌భా క్యారెక్ట‌ర్ కి వ్యాల్యూ పెంచుతారా ఇక్క‌డ‌? అన్న‌ది చూడాలి.