నాగ్ అశ్విన్ ఫ‌స్ట్ లుక్ ఇస్తాడా.. లేక హ్యాండిస్తాడా?

పాన్ ఇండియా స్టార్ ప్ర‌భాస్ ఫ్యాన్స్ సెల‌బ్రేష‌న్స్ కి రెడీ అవుతున్న విష‌యం తెలిసిందే. మ‌రి కొన్ని గంట‌ల్లో అక్టోబ‌ర్ 23న ఆదివారం ప్ర‌భాస్ బర్త్ డే వేడుక‌లు జ‌ర‌గ‌బోతున్నారు. ఇప్న‌టికే సోష‌ల్ మీడియా వేదిక‌గా సంబ‌రాలు మొద‌లు పెట్టిన ఫ్యాన్స్ ప్ర‌భాస్ నుంచి క్రేజీ అప్ డేట్ ల కోసం ఆస‌క్తిగా ఎదురుచూస్తున్నారు. ప్ర‌స్తుతం ప్ర‌భాస్ బ్యాక్ టు బ్యాక్ మూడు సినిమాలు చేస్తున్నాడు. ఆదిపురుష్‌, స‌లార్‌, ప్రాజెక్ట్ కె వంటి మూడు క్రేజీ ప్రాజెక్ట్ ల‌లో న‌టిస్తున్న ప్ర‌భాస్ అందులో 'ఆదిపురుష్‌' షూటింగ్ పూర్తి చేసి వ‌చ్చే ఏడాది జ‌న‌వ‌రికి రిలీజ్ చేస్తున్న విష‌యం తెలిసిందే.

ఇక మిగ‌తా రెండు ప్రాజెక్ట్ లైన స‌లార్‌, ప్రాజెక్ట్ కె చిత్రీక‌ర‌ణ దశ‌లో వున్నాయి. ఈ రెండు సినిమాల‌తో పాటు మారుతి డైరెక్ష‌న్ లో ప్ర‌భాస్ ఓ భారీ హార‌ర్ థ్రిల్ల‌ర్ ని చేయ‌బోతున్న విష‌యం తెలిసిందే. పీపుల్ మీడియా ఫ్యాక్ట‌రీ బ్యాన‌ర్ పై టి.జి. విశ్వ‌ప్ర‌సాద్ ఈ మూవీని అత్యంత భారీ స్థాయిలో పాన్ ఇండియా మూవీగా నిర్మించ‌బోతున్నారు. ఇటీవ‌లే ఈ మూవీకి సంబంధించిన టుక్ టెస్ట్ ఫొటో షూట్ జ‌రిగింది. టెస్ట్ షూటింగ్ కూడా మారుతి పూర్తి చేసినట్టుగా వార్త‌లు వినిపిస్తున్నాయి.

ప్ర‌భాస్ పుట్టిన రోజు సందర్భంగా ఈ మూవీ నుంచి అనౌన్స్ మెంట్ పోస్ట‌ర్ ని ఆదివారం మేక‌ర్స్ విడుద‌ల చేయ‌బోతున్నారు. స‌లార్ నుంచి ఇప్ప‌టికే ప్ర‌భాస్ లుక్ బ‌య‌టికి వ‌చ్చిన నేప‌థ్యంలో ద‌ర్శ‌కుడు ప్ర‌శాంత్ నీల్ ఏతైనా స‌ర్ ప్రైజ్ ఇస్తాడేమో అని అభిమానులు ఆస‌క్తిగా ఎదురుచూస్తున్నారు. ఇక ఈ ప్రాజెక్ట్ తో పాటు నాగ్ అశ్విన్ రూపొందిస్తున్న 'ప్రాజెక్ట్ కె' నుంచి కూడా అప్ డేట్ ని ఆశిస్తున్నారు. ఇటీవ‌ల అమితాబ్ బ‌చ్చ‌న్ పుట్టిన రోజు సంద‌ర్భంగా నాగ్ అశ్విన్ ఈ మూవీ నుంచి కేవ‌లం హ్యాండ్ వున్న పిక్ ని మాత్ర‌మే విడుద‌ల చేసి షాకిచ్చాడు.

ఈ నేప‌థ్యంలో బ‌ర్త్ డే సంద‌ర్భంగా అప్ డేట్ కావాలంటూ ప్ర‌భాస్ అభిమానులు సోష‌ల్ మీడియా వేదిక‌గా ద‌ర్శ‌కుడు నాగ్ అశ్విన్ పై ప్ర‌శ్న‌ల వ‌ర్షం కురిపిస్తున్నారు. 'హాయ్ అన్నా అస‌లు గుర్తున్నామా' అని ఫ‌స్ట్ లుక్ ఎక్స్ పెక్ట్ చేస్తున్నామ‌ని వ‌రుస ట్వీట్ లు చేస్తున్నారు. అయితే ఫ్యాన్స్ ట్వీట్ ల‌పై ఫైన‌ల్ గా ద‌ర్శ‌కుడు నాగ్ అశ్విన్ స్పందించాడు. స్మాల్ అప్ డేట్ ని పుట్టిన రోజు సంద‌ర్భంగా అందించ‌బోతున్నామంటూ ప్ర‌క‌టించాడు.

దీంతో ఫ్యాన్స్ మ‌ళ్లీ కామెంట్ లు చేయ‌డం మొద‌లు పెట్టారు. స్మాల్ అంటే మ‌ళ్లీ ఏ ప్ర‌క‌ట‌న ఫోటోనో రిలీజ్ చేస్తాడ‌ని కొంత మంది అంటుంటే మ‌రి కొంత మంది మాత్రం ఫ‌స్ట్ లుక్ ఇస్తాడా.. లేక హ్యాండిస్తాడా? అని కామెంట్ లు చేస్తున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.