మా మూవీలో ప్రభాస్ 'నెవర్ బిఫోర్' లుక్కు చూస్తారు: డైరెక్టర్

పాన్ ఇండియా స్టార్ ప్రభాస్ ఇటీవలే 'రాధేశ్యామ్' మూవీ కంప్లీట్ చేసాడు. పీరియాడిక్ లవ్ స్టోరీగా రూపొందిన రాధేశ్యామ్ ఈ ఏడాది జులై 30న థియేటర్లోకి రానుంది. అలాగే ప్రస్తుతం ప్రభాస్ సలార్ అనే మాస్ యాక్షన్ ఓరియెంటెడ్ మూవీ చేస్తున్నాడు. ఈ సినిమా కేజీఎఫ్ ఫేమ్ ప్రశాంత్ నీల్ దర్శకత్వంలో తెరకెక్కుతుంది. అయితే మహానటి ఫేమ్ నాగ్ అశ్విన్ దర్శకత్వంలో ఓ భారీ సినిమా చేయబోతున్న సంగతి తెలిసిందే. సైన్స్ ఫిక్షన్ థ్రిల్లర్ కథాంశంతో రూపొందనున్న ఈ సినిమా ఎప్పుడు మొదలవుతుందో ఇంకా కన్ఫర్మ్ కాలేదు. ఈ సినిమాలో ప్రభాస్ సూపర్ హీరో పాత్రలో కనిపిస్తాడని టాక్ నడుస్తుంది. ఇక ప్రభాస్ సరసన స్టార్ హీరోయిన్ దీపికా పదుకోనె నటించనుంది. అలాగే బిగ్ బి అమితాబ్ బచ్చన్ కూడా ఓ కీలకపాత్రలో మెరవనున్నారు. సైన్స్ ఫిక్షన్ జానర్ కాబట్టి ఈ సినిమాలో గ్రాఫికల్ వండర్స్ ఎలా ఉంటాయో ఊహించలేము.

అయితే ఇంటర్నేషనల్ లెవల్‌లో తెరకెక్కనున్న ఈ సినిమా గురించి తాజాగా ఓ వార్త సోషల్ మీడియాలో చక్కర్లు కొడుతోంది. తాజాగా డైరెక్టర్ నాగ్ అశ్విన్ ఈ సినిమాలో ప్రభాస్ లుక్ గురించి మాట్లాడాడు. ఈ సినిమాలో ప్రభాస్ ను మీరింతవరకూ చూడని డిఫరెంట్ లుక్కులో కనిపిస్తాడు. అలాగే నెవర్ బిఫోర్ పాష్ స్టైల్లో క్యారెక్టర్ డిజైన్ చేస్తున్నాం. అలాగే ఈ సినిమా ఇంటర్నేషనల్ లెవెల్ మూవీస్ కు ఏమాత్రం తగ్గకుండా ఉంటుంది. సినిమాలో ఎంతమంది స్టార్స్ ఉన్నప్పటికీ కథాంశం ఇంకా గొప్పగా ఉంటుందని చెప్పుకొచ్చాడు నాగ్. ఇక సినిమా ఆలస్యం అవుతుందని అనుకోకండి. ప్రీప్రొడక్షన్ కోసమే ప్రభాస్ ఎక్కువ సమయం ఇచ్చాడని.. అలాగే ఈ ఏడాది షూటింగ్ ప్రారంభం అవుతుందని గుడ్ న్యూస్ చెప్పాడు. ఇదిలా ఉండగా ఈ సినిమాను వైజయంతి బ్యానర్ పై అశ్వినిదత్ నిర్మించనున్నారు.