నాగ్‌ కన్ఫర్మ్‌ చేశాడు.. ఇతర సీనియర్స్‌ మరి?

టాలీవుడ్ కింగ్‌ నాగార్జున చేసిన ప్రయోగాలు ఎన్నో. ఆయన కెరీర్‌ లో శివ మొదలుకుని ఎన్నో ప్రయోగాత్మక సినిమాలను చేశాడు. బుల్లి తెర ఎంట్రీ ఇచ్చిన మొదటి స్టార్‌ కూడా నాగార్జున అనే విషయం తెల్సిందే. ఇక టాలీవుడ్‌ నుండి మొదటి ఓటీటీ ఎంట్రీ ఇవ్వబోతున్న స్టార్‌ కూడా నాగార్జున నిలువ బోతున్నాడు. నాగార్జున హీరోగా ఒక చిన్న చిత్రం రూపొందబోతుంది. అందుకు సంబంధించిన వార్తలు గత కొన్నాళ్లుగా వస్తున్నాయి. ఎట్టకేలకు నాగార్జున ఆ విషయమై స్పందించాడు. ఔను ఓటీటీ మూవీ చేస్తున్నట్లుగా నాగ్‌ ప్రకటించాడు.

ఒక ఐడియా మా వద్దకు వచ్చింది. చాలా నచ్చడంతో వెంటనే సినిమా గా చేసేందుకు సిద్దం అయ్యాం. ప్రస్తుతం ఆ ఐడియాపై వర్క్‌ జరుగుతోంది. ఆ సినిమాను ఓటీటీ లో విడుదల చేయాలని భావిస్తున్నట్లుగా నాగార్జున ప్రకటించాడు. ఇప్పటికే బాలీవుడ్‌ లో పలువురు స్టార్స్‌ వెబ్‌ సిరీస్ లు మరియు వెబ్‌ మూవీస్ లో నటిస్తున్నారు. సౌత్‌ లో స్టార్స్‌ కాస్త ఆసక్తి చూపించడం లేదు. నాగార్జున ఎంట్రీతో ఖచ్చితంగా పరిస్థితి మారుతుంది అంటూ అంతా నమ్మకంగా అంటున్నారు.

నాగార్జున చేయబోతున్న ఓటీటీ మూవీ కనుక సక్సెస్‌ అయితే ఖచ్చితంగా సీనియర్‌ హీరోలు కూడా ఓటీటీ ద్వారా ప్రేక్షకుల ముందుకు వచ్చే అవకాశం ఉందని అంటున్నారు. నాగ్‌ ఓటీటీ మూవీ కనుక సక్సెస్‌ అయితే ఇతర స్టార్‌ హీరోలు కూడా ఆ దిశగా ఆలోచించే అవకాశం ఉంటుందని.. ముందు ముందు ఓటీటీ లో స్టార్‌ హీరోల సినిమాలు మరియు వెబ్‌ సిరీస్ లను చూస్తామనే అభిప్రాయంను సినీ విశ్లేషకులు అభిప్రాయం వ్యక్తం చేస్తున్నారు. ముందు ముందు థియేటర్ల సినిమాలకు పోటీగా వెబ్‌ సిరీస్ లు మరియు వెబ్‌ మూవీస్ నిలుస్తాయి. కనుక స్టార్‌ హీరోలు మరియు దర్శకులు కూడా ఆదిశగా అడుగులు వేస్తారనే టాక్‌. ఇప్పుడు కాకున్నా ముందు ముందు అయినా ఇతర సీనియర్‌ హీరోలు కూడా ఓటీటీ లో సందడి చేయాల్సి ఉంటుంది.