అశ్విన్ కొత్త సినిమా షురు

ఇక్కడ అశ్విన్ అంటే మహానటి దర్శకుడు నాగ అశ్విన్ అనుకోకండి. కుర్ర హీరో సుమంత్ అశ్విన్ గురించి. తన పేరు మీద బ్యానర్ తో ఎన్నో సూపర్ హిట్ మూవీస్ కి నిర్మాతగా ఉన్న ఎంఎస్ రాజు గారి వారసుడిగా పరిశ్రమలోకి అడుగు పెట్టినా సరైన హిట్ కోసం ఎదురు చూస్తున్న అశ్విన్ కొత్త సినిమా ఈ రోజు మొదలైంది. సినిమాలతో పాటు పారలల్ గా వెబ్ సిరీస్ కూడా చేస్తున్న అశ్విన్ బ్రేక్ రావాలే కాని దూసుకుపోతా అంటున్నాడు. ఇవాళ ప్రారంభమైన మూవీ ప్రేమ కథా చిత్రం 2. సుధీర్ బాబు హీరోగా గతంలో వచ్చిన ప్రేమ కథా చిత్రం కు ఇది సీక్వెల్ గా చెబుతున్నారు. హారర్ జానర్ లో ఒక కొత్త ఒరవడికి శ్రీకారం చుట్టిన ఆ మూవీకి సీక్వెల్ అంటే ఆసక్తి కలగడం సహజం. దీన్ని నిర్మిస్తున్న సుదర్శన్ రెడ్డినే దీనికి దర్శకుడు. ఆ మధ్య సునీల్ హీరోగా జక్కన్న అనే సినిమా తీసారు.

సుమంత్ అశ్విన్ ఇది తనకు మేజర్ టర్న్ అవుతుంది అనే నమ్మకంతో ఉన్నాడు. కాకపోతే ఇది దానికి కొనసాగింపుగా ఉంటుందా లేక పూర్తిగా వేరే కథతో తీస్తున్నారా అనే స్పష్టత ఇంకా రావాల్సి ఉంది. సుమంత్ కు అత్యవసరంగా ఒక హిట్ పడాల్సి ఉంది. కథల విషయంలో ఎంత జాగ్రత్తగా ఉంటున్నా ఆశించిన ఫలితాలు దక్కడం లేదు. నాన్న ఎంఎస్ రాజు ఒకప్పుడు ఒక్కడు-వర్షం-నువ్వొస్తానంటే నేనొద్దంటానా లాంటి ఎన్నో ఎవర్ గ్రీన్ బ్లాక్ బస్టర్స్ నిర్మించారు. అశ్విన్ ఎంట్రీ ఇచ్చే టైంకే ఆయన సినిమాలు తీయటం తగ్గించుకున్నారు. అందుకే బయటి నిర్మాతల సినిమాలతోనే తనను తాను ప్రూవ్ చేసుకునే పనిలో పడ్డాడు అశ్విన్. ఎలాగూ ప్రేమ కథా చిత్రం అనే బ్రాండ్ ప్రేక్షకుల్లో బాగా రిజిస్టర్ అయ్యింది కాబట్టి దాని సీక్వెల్ కాబట్టి ఆసక్తి కలగడం సహజం. లాంచనంగా మొదలు పెట్టారు కాని హీరొయిన్ తో సహా టెక్నికల్ టీం వివరాలు ఇంకా తెలియాల్సి ఉంది.