తండ్రి సినిమాలో తనయులిద్దరూనా?

నాగార్జున హీరోగా వచ్చిన సోగ్గాడే చిన్ని నాయన సినిమాలోని బంగార్రాజు పాతనే బేస్‌ చేసుకుని ఒక సినిమాను చేయాలని భావించారు. కళ్యాన్‌ కృష్ణ అప్పటి నుండి కథ కూర్పులో కుస్తీ పడుతూనే ఉన్నాడు. ఎట్టకేలకు బంగార్రాజు సినిమా కు సంబంధించిన కథ ఫైనల్‌ అయ్యిందని.. త్వరలోనే నాగార్జున ఆ సినిమాలో నటించేందుకు సిద్దం అవుతున్నట్లుగా వార్తలు వస్తున్నాయి. బంగార్రాజు సినిమాలో కేవలం నాగార్జున మాత్రమే కాకుండా ఆయన తనయుడు నాగచైతన్య కూడా నటించబోతున్నట్లుగా చాలా రోజులుగా మీడియాలో వార్తలు వస్తున్నాయి.

బంగార్రాజు సినిమా షూటింగ్‌ ప్రారంభంకు ఏర్పాట్లు జరుగుతున్నాయి అంటూ వార్తలు వస్తున్న ఈ సమయంలోనే ఇండస్ట్రీ వర్గాల నుండి మరో ఆసక్తికర పుకారు ఒకరు అందరి దృష్టిని ఆకర్షిస్తుంది. ఈ సినిమాలో నాగార్జున మాత్రమే కాకుండా ఆయన ఇద్దరు కొడుకులు కూడా నటించబోతున్నారు. మొన్నటి వరకు చైతూ లేదా అఖిల్‌ అంటూ ప్రచారం జరిగింది. కాని ఇప్పుడు మాత్రం చైతూ మరియు అఖిల్‌ అంటున్నారు.

వయసుకు తగ్గ పాత్రలో నాగార్జున కనిపిస్తాడని.. కాస్త రొమాంటిక్‌ యాంగిల్‌ ఉన్న వ్యక్తిగా బంగార్రాజు కనిపించబోతున్నాడు అంటున్నారు. నాగార్జునకు వీరిద్దరు కొడుకులుగా కనిపిస్తారా లేదా మనవళ్లుగా కనిపిస్తారా అనేది కూడా ఆసక్తికరంగా మారింది. మొత్తానికి బంగార్రాజు సినిమా అక్కినేని ఫ్యాన్స్‌ కు కన్నుల పండుగగా నిలవడం ఖాయం అనిపిస్తుంది.