సైకిల్ రైడ్ లో చైతు నిధి!

అక్కినేని నాగ చైతన్య హీరోగా చందు మొండేటి దర్శకత్వంలో రూపొందిన సవ్యసాచి విడుదలకు రంగం సిద్ధమవుతోంది. శైలజారెడ్డి అల్లుడు ఆశించిన ఫలితాన్ని పూర్తిగా ఇవ్వనప్పటికీ చైతుకి మంచి ఎక్స్ పీరియన్స్ లా మిగిలిపోయింది. మాస్ పాత్రలను సైతం టేకప్ చేయగలను అనే నమ్మకాన్ని ఇచ్చింది. నవంబర్ లో రాబోతున్న సవ్యసాచి మీద చైతుకే కాదు అభిమానులకు అంచనాలు భారీగా ఉన్నాయి. మైత్రి మూవీ మేకర్స్ బ్యానర్ నుంచి రంగస్థలం లాంటి బ్లాక్ బస్టర్ తర్వాత వస్తున్న మూవీ ఇది.

ఇందులో నిధి అగర్వాల్ హిరోయిన్ గా పరిచయమవుతోంది. ఇక్కడ స్టిల్ లో సరదాగా సైకిల్స్ మీద కబుర్లు చెప్పుకుంటూ వెళ్తున్న ఎక్స్ ప్రెషన్స్ చూస్తే చాలా సహజంగా ఉన్నాయి కదూ. ఇప్పటికే చైతు నిధిల కెమిస్ట్రీ గురించి పోస్టర్స్ లో చూసిన ప్రేక్షకులు పాజిటివ్ ఫీడ్ బ్యాక్ ఇస్తున్నారు. ఇది 13న విడుదల కాబోతున్న మొదటి సింగల్ వై నాట్ నుంచి తీసుకున్నదే. యుఎస్ తదితర లొకేషన్లలో తీసిన ఈ పాటతో ఆడియో ట్రాక్స్ రిలీజ్ మొదలుపెట్టబోతున్నారు.

సవ్యసాచి కాన్సెప్ట్ పరంగానే కాకుండా చాలా ప్రత్యేకతలతో వస్తోంది. తమిళ నటుడు మాధవన్ చాలా కాలం తర్వాత తెలుగులో స్ట్రెయిట్ మూవీ చేస్తుండగా ఇటీవలే ఎంసీఏ-యుటర్న్ లతో మంచి కం బ్యాక్ అందుకున్న భూమిక చైతు సోదరిగా మరో కీలక పాత్ర పోషిస్తోంది. బాహుబలి తప్ప ఇంకే స్టార్ హీరో సినిమాకు ఒప్పుకొని కీరవాణి దీనికి ట్యూన్స్ ఇవ్వడం మరో విశేషం. కథ బాగా నచ్చడం వల్లే కీరవాణి చేస్తున్నారని టాక్. ఇది కాకుండా ఆయన చేస్తోంది ఎన్టీఆర్ ఒక్కటే. సో చాలా స్పెషల్ గా ఇందులో సాంగ్స్ ఉండబోతున్నాయని యూనిట్ ఊరిస్తోంది. సిజి వర్క్ వల్ల కాస్టుగా ఆలస్యమైనా నాణ్యత విషయంలో రాజీ పడకపోవడం వల్లే తప్పలేదని చందు మొండేటి వర్షన్. టీజర్ ఇప్పటికే 5 మిలియన్ల డిజిటల్ వ్యూస్ దాటేసింది.