మహేష్ దర్శకుడిని వెయిటింగ్ లిస్ట్ లో పెట్టిన హీరో

టాలీవుడ్ సూపర్ స్టార్ మహేష్ బాబు తో ఇటీవల సర్కారు వారి పాట అనే సినిమాతో ప్రేక్షకుల ముందుకు వచ్చిన దర్శకుడు పరశురామ్ వెంటనే మరో సినిమాను కూడా మొదలు పెట్టాలని అనుకున్నాడు. కానీ అతను అనుకున్నట్లుగా ఇప్పుడు తదుపరి సినిమా తొందరగా స్టార్ట్ అవ్వడం లేదు. గీతగోవిందం సినిమాతో భారీ విజయాన్ని అందుకున్న పరశురామ్ అసలైతే ఆ తర్వాత నాగచైతన్య తో ఒక సినిమా చేయాల్సింది.

కానీ అనుకోకుండా మహేష్ బాబు నుంచి పిలుపు రావడంతో అతను అగ్రహీరోతో చేయాలి అనే ఆశతో నాగచైతన్య సినిమాను వెయిటింగ్ లిస్టులో పెట్టాడు. నాగచైతన్య కూడా అతనికి ఏ మాత్రం అడ్డు చెప్పకుండా అగ్రహీరోతో సినిమా చేసిన తర్వాత తనతో చేస్తే బాగుంటుంది అని పాజిటివ్గా ఆలోచించే వెళ్ళమని చెప్పాడు. అయితే ఇప్పుడు నాగ చైతన్య సినిమా చేసేందుకు సిద్ధమైన సమయంలో అతనికి అనుకోకుండా మరొక బ్రేక్ పడింది.

ఎందుకంటే ప్రస్తుతం నాగచైతన్య కూడా ఇతర కమిట్మెంట్స్ తో చాలా బిజీగా ఉన్నాడు. కరోనా కారణంగా ప్లాన్స్ మొత్తం మారిపోవడంతో చైతు అంతకు ముందు అనుకున్న ప్రాజెక్టులను ఇప్పుడు మొదలు పెట్టాలని డిసైడ్ అయ్యాడు. ప్రస్తుతం విక్రమ్ కె.కుమార్ దర్శకత్వం లో దూత అనే ప్రాజెక్ట్ ను ఫినిష్ చేసే పనిలో బిజీగా ఉన్నాడు. అంతే కాకుండా థాంక్యూ సినిమా కూడా విడుదలకు సిద్ధం అవుతోంది కాబట్టి ఆ సినిమా ప్రమోషన్ లో బిజీ అవ్వాలి.

అలాగే నాగేశ్వరరావు అనే టైటిల్ తో ఓ సినిమా రూపొందుతోంది వెంకట్ ప్రభుతో కూడా ఒక కమిట్మెంట్ ఉంది కాబట్టే ఇలా వరుసగా బిజీగా ఉండటం వలన నాగచైతన్య వెంటనే పరశురాం ప్రాజెక్టు మొదలు పెట్టే అవకాశం లేదని సమాచారం. మరోవైపు పరుశురాం లిస్టు లో మరికొన్ని కమిట్మెంట్స్ కూడా ఉన్నాయి. కానీ ఈ లోపు తను ముందు అనుకున్న నాగచైతన్యతో ఓ సినిమా చేయాలని అనుకుంటున్నాడు. మరి నాగచైతన్య ఈ దర్శకుడిని ఎంతకాలం వెయిట్ చేస్తాడో చూడాలి.