చైతుకు మత్తెక్కించేందుకు రకుల్ రెడీ

అక్కినేని నాగచైతన్య కొత్త సినిమా కబురు విని చాలా కాలమే అయింది. రెండేళ్లుగా వినిపిస్తున్న సాహసం శ్వాసగా సాగిపో.. మలయాళీ రీమేక్ ప్రేమమ్ లు రెండూ వచ్చేశాయి. ప్రేమమ్ సూపర్ హిట్ గా నిలిస్తే.. కంటెంట్ బాగున్నా సాహసానికి నోట్ల రద్దు ఎఫెక్ట్ పడి.. రిజల్ట్ తేడా వచ్చింది. ప్రెస్టీజియస్ గా తీసుకుని చేసిన రెండు సినిమాల రిజల్ట్ వచ్చేయడంతో.. ఇప్పుడు కొత్త సినిమా పనుల్లో పడ్డాడు నాగ చైతన్య.

ఈ ఏడాది ప్రారంభంలోనే నాగార్జునను డిఫరెంట్ గా చూపిస్తూ.. మరింత విభిన్నమైన కేరక్టరైజేషన్ తో సోగ్గాడే చిన్ని నాయన మూవీ తీసిన దర్శకుడు కళ్యాణ్ కృష్ణ.. ఇప్పుడు చైతుతో సినిమా మొదలుపెట్టేస్తున్నాడు. బౌండ్ స్క్రిప్ట్ ను మూడు నెలల క్రితమే సిద్ధం చేసుకున్నా.. అనుకోకుండా దొరికిన టైమ్ ని బెటర్మెంట్ కోసం ఉపయోగించేశాడు కూడా. రకుల్ ప్రీత్ సింగ్ హీరోయిన్ గా నటించనున్న ఈ మూవీ.. డిసెంబర్ 4 నుంచి రెగ్యులర్ షూటింగ్ జరుపుకోనుంది.

వైజాగ్ గీతమ్ కాలేజ్ లో తొలి షెడ్యూల్ ప్లాన్ చేశాడు దర్శకుడు కళ్యాణ్ కృష్ణ. ఇక్కడ చైతు-రకుల్ లకు చెందిన కాలేజ్ సీన్స్.. ప్రేమలో పడే సన్నివేశాలను తెరకెక్కించనున్నారని తెలుస్తోంది. రొమాంటిక్ కామెడీ జోనర్ లో వస్తున్న ఈమూవీలో.. చైతుకి మత్తెక్కించే పాత్రలో రకుల్ ప్రీత్ నటించబోతోంది.


Like Us on Facebook : https://www.facebook.com/Tupakidotcom/