సామ్‌ చైతూ ఏ.ఎన్‌.ఎస్‌ పిక్చర్స్‌

హీరో హీరోయిన్స్‌ ఒకప్పుడు కేవలం నటనకు మాత్రమే పరిమితం అయ్యే వారు. ఒక్కరు ఇద్దరు ఇతర క్రాప్ట్స్‌ లపై కూడా ఆసక్తి చూపించి అటుగా కూడా రాణించారు. నిర్మాణ రంగంలో అడుగు పెట్టిన వారు గతంలో చాలా తక్కువ మంది ఉన్నారు అని చెప్పుకోవచ్చు. కాని ఇప్పుడున్న స్టార్స్‌ లో నిర్మాణ రంగంలో అడుగు పెట్టని వారు చాలా తక్కువ మంది ఉన్నారని చెప్పుకోవచ్చు. ముఖ్యంగా హీరోలు నిర్మాతలుగా మారి తమ అదృష్టాన్ని పరీక్షించుకుంటున్నారు.

యంగ్‌ హీరోస్‌ నుండి స్టార్‌ హీరోస్‌ వరకు పలువురు నిర్మాణ రంగంలోకి అడుగు పెట్టారు. ఇక నాగచైతన్య.. సమంతలు కూడా నిర్మాణ రంగంలోకి అడుగు పెట్టబోతున్నట్లుగా వార్తలు వస్తున్నాయి. ఈ వార్తలు ఏడాది రెండేళ్లుగా వస్తూనే ఉంది. కాని ఇప్పటి వరకు కార్యరూపం దాల్చలేదు. ఎట్టకేలకు వీరిద్దరి నిర్మాణంలో సినిమా ప్రారంభం కాబోతున్నట్లుగా సమాచారం అందుతోంది. ఇద్దరికి తెలిసిన ఒక వ్యక్తిని దర్శకుడిగా పరిచయం చేసేందుకు సిద్దం అవుతున్నారట.

అక్కినేని ఫ్యామిలీ ఇప్పటికే అన్నపూర్ణ స్టూడియోతో పాటు మరో రెండు మూడు నిర్మాణ సంస్థలను కలిగి ఉన్నాయి. తాజాగా చైతూ.. సామ్‌ లు మరో బ్యానర్‌ ను రిజిస్ట్రర్‌ చేయించినట్లుగా సమాచారం అందుతోంది. ఇండస్ట్రీ వర్గాల ద్వారా అందుతున్న సమాచారం ప్రకారం అక్కినేని నాగచైతన్య సమంత(ఏ ఎన్‌ ఎస్‌) పిక్చర్స్‌ అనే బ్యానర్‌ ను రిజిస్ట్రర్‌ చేయించారట.

సమ్మర్‌ లో ఒక మీడియం రేంజ్‌ సినిమాను నిర్మించేందుకు వీరు సిద్దం అవుతున్నారట. ఆమద్య సమంత ఒక ఇంటర్వ్యూ లో తాను ఎప్పుడు సినిమాల్లోనే కొనసాగుతాను అని.. హీరోయిన్‌ గా ఆఫర్లు రానప్పుడు మరో రకంగా అయినా సినిమాలు చేస్తాను అంది. అందుకే నిర్మాణ సంస్థను ప్రారంభించారు అంటూ ఇండస్ట్రీ లో టాక్‌ వినిపిస్తుంది.