ఫోటో స్టొరీ: చైతు సామ్ లకు నిజంగా పెళ్లైందా

ఈ ప్రశ్న వింతగా అనిపించినా మజిలి స్టిల్స్ చూస్తే మీకు అదే ఫీలింగ్ కలగడం ఖాయం. వచ్చే నెల 5న విడుదల కాబోతున్న మజిలి మీద చైతు ఫ్యాన్స్ తో పాటు సమంతా అభిమానులకు గంపెడంత ఆశలున్నాయి. మనం తర్వాత రిపీట్ అవుతున్న కాంబో కాబట్టి సక్సెస్ గ్యారెంటీ అనే నమ్మకంతో ఉన్నారు. దానికి తోడు టీజర్ లో మంచి ఎమోషన్స్ కనిపించడంతో ఫ్యామిలీ ఆడియన్స్ కూడా ఓ లుక్ వేసేలా ఉన్నారు.

పైన మీరు చూస్తున్న స్టిల్ మజిలిలోదే. కథ ప్రకారం పెళ్లి కాక ముందు సమంతా చైతు స్కూల్ ఏజ్ నుంచే ఫ్రెండ్స్ గా ఉంటారు. అది కాలేజీకు వచ్చాక కుడా కొనసాగుతుంది. క్రికెట్ అంటే పిచ్చి చూపించే చైతు అంటే సామ్ కు ప్రాణం. వాటిని చూపించే ఫ్లాష్ బ్యాక్ ఎపిసోడ్లో ఇలాంటి సీన్లన్ని ఉంటాయన్న మాట నిజంగానే చైతు సామ్ లు చాలా యంగ్ గా ఫ్రెష్ గా కనిపిస్తున్నారు. ఇద్దరికీ పెళ్లై ఏడాది దాటింది అంటే నమ్మేలా లేరు.

గత ఏడాది రెండు షాకులు తిన్న చైతు మజిలి మీద గట్టి నమ్మకమే పెట్టుకున్నాడు. దాని తోడు రెండు నెలలుగా డల్ గా ఉన్న బాక్స్ ఆఫీస్ కి మజిలితో మంచి ఓపెనింగ్స్ వస్తాయని ట్రేడ్ సైతం ఆశలు పెట్టుకుంది. ఒకపక్క ఎన్నికల వాతావరణంలో జనాలు సినిమాలు చూసే మూడ్ లో ఉన్నారా అనే అనుమానాల మధ్యే కథనే నమ్ముకుని మజిలి బరిలో దిగుతోంది.

ఇంకో పది రోజుల్లోపే మజిలి ప్రీ రిలీజ్ ఈవెంట్ చేయబోతున్నట్టు తెలిసింది. శివ నిర్వాణ దర్శకత్వం వహించిన మజిలిలో రెండు ఆడియో ట్రాక్స్ ఇప్పటికే పాజిటివ్ రెస్పాన్స్ తెచ్చుకున్నాయి. ముఖ్యంగా ప్రియతమ సాంగ్ బాగా వైరల్ అయ్యింది. సో మజిలిలో ఈ క్యుట్ కపుల్ చిలిపి ప్రేమ కథ చూడాలి అంటే ఇంకో 20 రోజులు ఆగాలి