వెస్పా మీద బర్త్ డే చైతు

అక్కినేని నాగ చైతన్య బర్త్ డే ఈరోజు(నవంబర్ 23). అసలే అక్కినేని-దగ్గుబాటి ఫ్యామిలీల కు కామన్ గా ఉండే వారసుడు కాబట్టి హంగామా కామనే. ఈ సందర్భంగా చైతు-సమంతా కలిసి నటిస్తున్న తాజా చిత్రం ('మజిలీ' టైటిల్ అంటున్నారు కానీ ఇంకా ప్రకటించలేదు) నుండి ఒక పోస్టర్ రిలీజ్ చేసి జన్మదిన శుభాకాంక్షలు తెలిపారు.

క్రీమ్ కలర్ వెస్పా స్కూటర్ పై కూల్ గా కూర్చున్న చైతు మంచి స్మైల్ ఇస్తున్నాడు. సాధారణంగా కంటే కాస్త గడ్డం ఎక్కువగానే పెంచడంతో డిఫరెంట్ లుక్ అనిపిస్తోంది. ఫుల్ హ్యాండ్స్ చెక్స్ షర్ట్.. స్లీవ్స్ పైకి మడిచి.. షర్టు పై బటన్ లు రెండూ పెట్టుకోకుండా వదిలేశాడు. లుక్ మాత్రం చాలా బాగుంది. గత రెండు సినిమాలలో స్టైలిష్ గా కనిపించిన చైతూ ఇందులో ఒక మిడిల్ క్లాస్ అబ్బాయి లాగా రెట్రో లుక్ లో కనిపిస్తున్నాడు.

'నిన్ను కోరి' ఫేమ్ శివ నిర్వాణ దర్శకత్వంలో తెరకెక్కుతున్న ఈ సినిమాను షైన్ సినిమా వారు నిర్మిస్తున్నారు. గోపి సుందర్ ఈ సినిమాకు సంగీతం అందిస్తున్నాడు. చై సాం లు భార్యాభర్తలుగా నటిస్తున్న ఈ సినిమా షూటింగ్ 40 % పైగా పూర్తయిందని సమాచారం. బర్త్ డే హీరో చైతుకు మా తుపాకి. కామ్ తరఫున కూడా జన్మదిన శుభాకాంక్షలు.