సమంత 30 లక్షలు.. చైతూ 4.25 లక్షలు

ఈ మధ్యే ఒక ఇంటర్వ్యూలో సమంతను చూసి తాను చాలా గర్విస్తున్నానని చెప్పాడు అక్కినేని నాగచైతన్య. సోలో హీరోగా తనకసలు యుఎస్ లో మిలియన్ డాలర్ మూవీనే లేదని... కానీ సమంతకు మాత్రం అక్కడి పది దాకా మిలియన్ డాలర్ సినిమాలున్నాయని.. ఆమెను మిలియన్ డాలర్ బేబీ అని కూడా అంటున్నారని.. ‘ఏమాయ చేసావె’కు ఇప్పటికి ఆమె రైజింగ్ చూస్తే తనకు చాలా గర్వంగా ఉంటుందని చెప్పాడు.

ఇప్పుడు చైతూ సమంతను చూసి గర్వించడానికి ఇంకో పెద్ద రీజన్ దొరికింది. సమంత సౌత్ ఇండియాలో మరే హీరోయిన్ సాధించని ఘనతను సాధించింది. ఆమె ట్విట్టర్లో 3 మిలియన్ ఫాలోయిర్ల మార్కును అందుకుంది. హీరోయిన్లనే కాదు.. సౌత్ సినిమాల్లో 3 మిలియన్ మార్కును అందుకున్న సెలబ్రెటీలు అరుదు. ఇంతకీ చైతూకు ట్విట్టర్లో ఫాలోవర్లు ఎందరున్నారో తెలుసా.. 4.25 లక్షల మంది మాత్రమే.

అక్కినేని ఫ్యామిలీలో అత్యధిక ఫాలోవర్లను కలిగి ఉన్నది నాగార్జునే. ఆయనకు 18 లక్షల మంది ఫాలోవర్లున్నారు. అఖిల్ 8.57 లక్షల ఫాలోవర్లతో కొనసాగుతున్నాడు. అంటే ముగ్గురు అక్కినేని హీరోల ఫాలోవర్లు కలిపితే.. సమంత ఫాలోవర్లతో సమానం అన్నమాట. ట్విట్టర్ ఫాలోవర్లను బట్టే క్రేజ్ అని కాదు కానీ.. సమంతకు అక్కడ అంత మంది ఫాలోవర్లు ఉండటం మాత్రం గ్రేటే. మరో సౌత్ టాప్ హీరోయిన్ త్రిష 2.9 మిలియన్ ఫాలోవర్లతో సమంత వెనకే ఉంది.

Like Us on Facebook : https://www.facebook.com/Tupakidotcom/