సవ్యసాచిలో ఆ కోణం కూడా!!

అక్కినేని అభిమానులతో పాటు సామాన్య ప్రేక్షకుల్లో సైతం ఆసక్తి రేపుతున్న సవ్యసాచి విడుదల రోజుల్లో నుంచి గంటల్లోకి మారిపోతోంది. ఎల్లుండి భారీ ఎత్తున రిలీజ్ కానున్న ఈ మూవీ కోసం ఇప్పటికే అభిమానులు ఏర్పాట్లు పూర్తి చేసి ఎదురు చూస్తున్నారు. ఇప్పటి దాకా చేసిన ప్రమోషన్ లో లవ్ ట్రాక్ తో పాటు మంచి సీరియస్ హీరో-విలన్ డ్రామాను హై లైట్ చేసారు. దీంతో సహజంగానే ఇందులో ఎంటర్ టైన్మెంట్ డోస్ ఎంతవరకు ఉంటుంది అనే సందేహాలు మొదలయ్యాయి.

కాని విశ్వసనీయ సమాచారం మేరకు దర్శకుడు చందు మొండేటి వాటికి ఏ లోటు లేకుండా చూసుకున్నాడట. ముఖ్యంగా నాగ చైతన్య అర్జునుడిగా అతనికి గీత బోధ చేసే కృష్ణుడిగా వెన్నెల కిషోర్ ల మధ్య ట్రాక్ ఓ రేంజ్ లో ఉంటుందని ఫీలర్స్ వస్తున్నాయి. సో సవ్యసాచిలో ఫన్ యాంగిల్ కు లోటేమి లేదని తెలిపోయినట్టే. అంతే కాదు చైతు వెన్నెలల మధ్య ఈ ట్రాక్ కు సంబంధించిన స్టిల్స్ చిన్న మేకింగ్ వీడియో ఇవాళ రాత్రి కాని లేదా రేపు కాని విడుదల చేసే ఆలోచనలో టీం ఉన్నట్టు తెలిసింది.

ఇప్పటికే ఆడియోతో పాటు వాటి తాలుకు వీడియో ప్రోమోలు ఆన్ లైన్ లో హల్చల్ చేస్తున్నాయి. అల్లరి అల్లుడు రీమిక్స్ సాంగ్ లో నాన్నను మరిపించాడని ఇప్పటికే చైతు మీద కాంప్లిమెంట్స్ వస్తున్నాయి. మాధవన్ స్టైలిష్ విలనీ నిధి అగర్వాల్ గ్లామర్ భూమిక స్పెషల్ రోల్ ఇవన్ని ఆకర్షణలుగా వస్తున్న సవ్యసాచి మెప్పిస్తే మాత్రం బాక్స్ ఆఫీస్ దగ్గర చైతుకి గట్టి హిట్టు పడ్డట్టే.