ఎన్నార్ గా చైతు ఒదిగిపోయాడుగా!!

నిన్న విడుదలైన మహానటి పాజిటివ్ రెస్పాన్స్ తో దూసుకుపోతోంది. తెరనిండా నటీనటులు ఉన్నా ఎక్కడ డైవర్ట్ కాకుండా దర్శకుడు నాగ అశ్విన్ టేకప్ చేసిన తీరుకి అందరు హాట్స్ ఆఫ్ చెబుతున్నారు. విడుదలకు ముందే కీలక పాత్రలకు సంబంధించి ఎవరెవరు ఏ వేషం వేసారు అనేది నాని వాయిస్ ఓవర్ తో చిన్న టీజర్స్ రూపంలో విడుదల చేసిన యూనిట్ ఎన్టీఆర్-ఎఎన్ఆర్ లవి మాత్రం రివీల్ చేయలేదు. నిన్న రిలీజ్ అయ్యాక సీక్రెట్ బయట పడింది కనక అవి కూడా విడుదల అయ్యాయి. ఎన్టీఆర్ ది గ్రాఫిక్ తో కూడిన సన్నివేశంతో మేనేజ్ చేసారు కాని ఎఎన్ఆర్ పాత్రను మాత్రం నాగ చైతన్య చేయటం ఆకర్షణగా నిలిచింది. దేవదాసు రోజుల నాటి మీసకట్టు బెల్ బాటం ప్యాంట్ తో అచ్చం తాత గారిని ఇమిటేట్ చేసే ప్రయత్నం చేసిన నాగ చైతన్యకు దొరికింది కొన్ని సీన్లే కాబట్టి ఎలా చేసాడు అనేది జడ్జ్ చేయటం కూడా కరెక్ట్ కాదు.

అక్కినేని నాగేశ్వర్ రావు గారిలా నాగార్జున ఏ సినిమాలోనూ ఇలా పునఃప్రవేశం చేసే ప్రయత్నం చేయలేదు. మనవడు నాగ చైతన్య మాత్రం ఆ సాహసం చేసాడు. లైఫ్ పార్టనర్ సమంతా కీలక పాత్ర వహించిన సినిమాలో చైతు ఇలా స్పెషల్ క్యామియో అందులోనూ తాత గారిలా నటించడం చాలా థ్రిల్ ఇచ్చి ఉంటుంది. ట్విస్ట్ ఏంటంటే చైతు సాం ఒకే సినిమాలో ఉన్నా కూడా ఇద్దరికీ ఒక్క కాంబో సీన్ కూడా లేకపోవడం. అది కథ ప్రకారమే అయినప్పటికీ వెరైటీ అనుకోవచ్చు. దాంతో పాటు చైతన్య సమంతా కలిసి నటించిన సినిమాల్లో సాం వేరొక హీరోకు జోడిగా ఉండటం కూడా ఇదే మొదటిసారి. మొత్తానికి అటు చైతుకి ఇటు సాంకి ఒక స్వీట్ మెమరీలా మిగిలిన మహానటి ప్రభంజనం మహా జోరుగా ఉంది. ఓవర్సీస్ లో హల్చల్ చేస్తుండగా ఈ వీక్ ఎండ్ లో తెలుగు రాష్ట్రాల్లో కూడా బాగా పికప్ అవుతుందనే అంచనాలు బలంగా ఉన్నాయి. వసూళ్లు కూడా అదే ఋజువు చేస్తున్నాయి.

వీడియో చూడటానికి క్లిక్ చేయండి