నాగచైతన్య కస్టడీ.. రిలీజ్ అప్పుడే!

అక్కినేని నాగచైతన్య ఈ ఏడాది మొదట్లో బంగార్రాజు సినిమాతో బాక్సాఫీస్ వద్ద మంచి సక్సెస్ అందుకున్నాడు. అయితే నాగచైతన్య తన మార్క్ కు తగ్గట్టుగా అయితే సోలో హీరోగా ఇంతవరకు సక్సెస్ అందుకోలేకపోయాడు. ఏదో ఒక విధంగా అతనికి పరిస్థితులు అనుకూలించడం కానీ లేదంటే స్టార్ క్యాస్ట్ లేదంటే డైరెక్టర్ రేంజ్ ఇలా వివిధ రకాల సపోర్ట్ అయ్యే అంశాలతో సక్సెస్ వస్తోంది కానీ తన స్టార్ క్రేజ్ తో మాత్రం ఇంతవరకు నాగచైతన్య సరైన సక్సెస్ అయితే చూడలేదు.

ఇక ఈ ఏడాది బంగార్రాజు తర్వాత అతను ఎంత నమ్మకంతో చేసిన థాంక్యూ సినిమా మాత్రం బాక్సాఫీస్ వద్ద దారుణంగా దెబ్బ కొట్టింది. ఆ సినిమాతో నిర్మాత దిల్ రాజు చాలా వరకు నష్టపోవాల్సి వచ్చింది.

ఇక హిందీలో కూడా తన క్రేజ్ పెంచుకోవాలని అనుకున్న నాగచైతన్యకు అదృష్టం దక్కలేదు. అమీర్ ఖాన్ తో చేసిన లాల్ సింగ్ చడ్డా సినిమా కూడా బాక్స్ ఆఫీస్ వద్ద దారుణమైన డిజాస్టర్ మూవీ గా నిలిచిన విషయం తెలిసిందే.

ఇక ఇప్పుడు అతను ఎలాగైనా సోలో హీరోగా బాక్స్ ఆఫీస్ వద్ద మంచి సక్సెస్ అందుకోవాలి అని రెడీ అవుతున్నాడు. తమిళ దర్శకుడు వెంకట్ ప్రభు దర్శకత్వంలో చేస్తున్న కస్టడీ అనే సినిమా తెలుగులోనే కాకుండా తమిళంలో కూడా ఒకేసారి విడుదల కాబోతోంది. అయితే ఈ సినిమాకు సంబంధించిన షూటింగ్ కూడా చివరి దశకు చేరుకుంటుంది ఇక సినిమా రిలీజ్ డేట్ విషయంలో చిత్ర యూనిట్ సభ్యులు ఇటీవల ఒక నిర్ణయానికి వచ్చినట్లు సమాచారం.

సినిమాను సమ్మర్ కానుకగా థియేటర్స్ లో విడుదల చేయాలని అనుకుంటున్నారు. 2023 మే 12వ తేదీ అయితే బెస్ట్ అని ఇటీవల నిర్మాతలు కూడా ఒక ఫైనల్ డెసిషన్ కు వచ్చినట్లుగా తెలుస్తోంది. ఇక రెగ్యులర్ ప్రమోషన్స్ కూడా మొదలుపెట్టాలని త్వరలోనే టీజర్ కూడా విడుదల చేయాలని అనుకుంటున్నారు. ఇక మరోవైపు నాగచైతన్య విక్రమ్ కుమార్ దర్శకత్వంలో దూత అనే వెబ్ సిరీస్ చేస్తున్న విషయం తెలిసిందే.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.