చైతూ ఇంక చూడలేదు : సమంత

టాలీవుడ్‌ టాప్‌ హీరోయిన్‌ సమంత ఇంత కాలం గ్లామర్‌ రోల్స్‌ కు ప్రాముఖ్యత ఇస్తూ వచ్చింది. అయితే ఇకపై నటనకు ప్రాముఖ్యత ఉన్న పాత్రలను చేయాలని ఫిక్స్‌ అయ్యింది. తాజాగా సమంత ‘యూటర్న్‌’ చిత్రంతో ప్రేక్షకుల ముందుకు వచ్చేందుకు సిద్దం అయ్యింది. తెలుగు మరియు తమిళంలో ఒకేసారి విడుదల కాబోతున్న ఈ చిత్రం కోసం సమంత తెగ ప్రచార కార్యక్రమాల్లో పాల్గొంటుంది. ఇది ఒక హీరోయిన్‌ ఓరియంటెడ్‌ చిత్రం కనుక సమంత పైనే ప్రమోషన్‌ భారం అంతా చిత్ర నిర్మాతలు వేయడం జరిగింది. ఇది తన సినిమా అనే ఉద్దేశ్యంతో ఆమె కూడా సదరు ప్రమోషన్‌ బాధ్యత అంతా తానే చూసుకుంటూ ఉంది. చెన్నై - హైదరాబాద్‌ చెక్కర్లు కొడుతున్న సమంత తాజాగా ఒక మీడియా సంస్థతో మాట్లాడుతూ భర్త నాగచైతన్యతో పోటీ గురించి మాట్లాడటం జరిగింది.

సమంత ‘యూటర్న్‌’ విడుదల కాబోతున్న సెప్టెంబర్‌ 13వ తారీకునే నాగచైతన్య హీరోగా నటించిన ‘శైలజ రెడ్డి అల్లుడు’ విడుదలకు సిద్దం అవుతుంది. బాక్సాఫీస్‌ వద్ద భార్య భర్తలు ఢీ కొట్టబోతున్నారు. ఇక సమంత మీడియాతో మాట్లాడిన సందర్బంగా ‘యూటర్న్‌’ చిత్రాన్ని నాగచైతన్య చూశాడా అంటూ ప్రశ్నించగా, సమంత ‘ఇంకా లేదు..’ అంటూ సమాధానం చెప్పింది. శైలజ రెడ్డి అల్లుడు చిత్రం ప్రమోషన్‌ కార్యక్రమాలతో చైతూ బిజీగా ఉన్న కారణంగా యూటర్న్‌ చూడలేదు అంటూ సమంత సమాధానం చెప్పినట్లుగా తెలుస్తోంది.

నాగచైతన్య, అను ఎమాన్యూల్‌ జంటగా నటించిన ‘శైలజ రెడ్డి అల్లుడు’ మాస్‌ ఎంటర్‌ టైనర్‌ కాగా, సమంత నటించిన ‘యూటర్న్‌’ చిత్రం ఒక సస్పెన్స్‌ థ్రిల్లర్‌ అంటూ సమాచారం అందుతుంది. ఈ రెండు చిత్రాలు కూడా పూర్తి విరుద్దమైన జోనర్‌లో తెరకెక్కిన కారణంగా రెండు చిత్రాలను ఒకే రోజున విడుదల చేసినా ఎటువంటి సమస్య ఉండదనే నిర్ణయానికి వచ్చి నిర్మాతలు విడుదల చేస్తున్నట్లుగా తెలుస్తోంది. ‘యూటర్న్‌’ చిత్రం స్క్రీన్‌ ప్లే బేస్డ్‌ చిత్రం అవ్వడం వల్ల పాటలు లేకుండానే చిత్రాన్ని పూర్తి చేశారు. అందుకే సినిమా కోసం ఒక ప్రమోషనల్‌ సాంగ్‌ ను సమంత ఇటీవలే చేసిన విషయం తెల్సిందే. ప్రమోషనల్‌ సాంగ్‌ కు మంచి రెస్పాన్స్‌ వస్తోంది.