స‌మంత చెప్పింది... చైతూ సాయం చేశాడు

స‌మాజ సేవ‌లోనూ, తోటి వాళ్ల‌కు సాయం చేయ‌డంలోనూ స‌మంత ఎప్ప‌డూ ఓ అడుగు ముందే ఉంటుంది. చిన్న పిల్ల‌ల ప‌రిరక్ష‌ణ కోసం పాటు ప‌డుతున్న ప్ర‌త్యూష ఫౌండేష‌న్‌కి కొన్నేళ్లుగా త‌న వంతు చేయూత‌ని అందిస్తోంది. అప్పుడ‌ప్పుడు తోటి న‌టుల‌ను కూడా అందులో ఇన్‌వాల్వ్ చేస్తూ ఉంటుంది. తాజాగా త‌న కోస్టార్ నాగ‌చైత‌న్యని ఇన్ వాల్వ్ చేసింది. ఓ చిన్నారి గుండె శ‌స్త్ర చికిత్స కోసం పెద్ద‌యెత్తున డ‌బ్బు అవ‌స‌ర‌మైంది. ఆ డ‌బ్బును సమ‌కూర్చాల్సిందిగా చైత‌న్య‌ని ప్ర‌త్యూ ష ఫౌండేష‌న్ త‌ర‌ఫున సాయం కోరింది స‌మంత‌. చైతూ వెంటనే స్పందించి ఆ శ‌స్త్ర‌చికిత్స‌కి అయ్యే ఖ‌ర్చును భ‌రించ‌డానికి ముందుకొచ్చాడు. వెంట‌నే శ‌స్త్ర‌చికిత్స జ‌రిగిపోయింది. దీంతో స‌మంత చైత‌న్య‌కి ట్విట్ట‌ర్ ద్వారా కృత‌జ్జ‌త‌లు చెప్పింది.

స‌మంత, నాగ‌చైత‌న్య మంచి స్నేహితులు. చైతూ క‌థానాయ‌కుడిగా న‌టించిన `ఏమాయ చేసావె`తోనే స‌మంత తెలుగు తెర‌కు ప‌రిచ‌య‌మైంది. అప్ప‌ట్నుంచి వీళ్లు స్నేహితులుగా కొన‌సాగుతున్నారు. నాగ‌చైత‌న్య‌తో స‌మంత ఇప్ప‌టికి మూడు చిత్రాలు చేసింది. త్వ‌ర‌లోనే వీళ్లు మ‌రో చిత్రంలో క‌లిసి న‌టించ‌బోతున్న‌ట్టు తెలుస్తోంది. ఇద్ద‌రూ క‌లిసి సినిమా చేసినా, చేయ‌క‌పోయినా... త‌ర‌చుగా మాత్రం క‌లుసుకొంటుంటారు. వేడుక‌ల‌కు కూడా ఇద్ద‌రూ క‌లిసి హాజ‌ర‌వుతుంటారు. అంతటి క్లోజ్ ఫ్రెండ్స్ వీళ్లు. స‌మంత లాంటి ఫ్రెండు అడిగితే ఇక చైతూ సాయం చేయ‌కపోతాడా? అయినా బ‌య‌టికి క‌నిపించ‌డు కానీ చైతూలోనూ మంచి స‌మాజ సేవకుడు ఉన్నాడు. సాయం చేయ‌డంలో చైతూ కూడా ఎప్పుడూ ఓ అడుగు ముందే ఉంటాడు.