పిక్ టాక్‌ : రియల్‌ ఆర్మీ ఆఫీసర్‌ లా భలే ఉన్నాడే

కొందరికి కొన్ని పాత్రలు.. కొందరికి కొన్ని గెటప్ లు భలే సెట్‌ అవుతాయి. ఆ గెటప్ లు కాని ఆ పాత్రలు కాని మరెవ్వరు వేసినా కూడా ఖచ్చితంగా నప్పవేమో అన్నట్లుగా ఉంటాయి. తాజాగా సోషల్‌ మీడియాలో చక్కర్లు కొడుతున్న ఈ ఫొటోను చూస్తుంటే భలే ఉందే అన్నట్లుగా అభిమానులు నెట్టింట తెగ సందడి చేస్తున్నారు. నాగ చైతన్య ను ఈ గెటప్ లో చూస్తుంటే రియల్‌ ఆర్మీ ఆఫీసర్ ను చూసినట్లుగానే ఉన్నాడు. నాగ చైతన్య కు సెట్ అయినట్లుగా ఈ పాత్ర మరియు లుక్‌ ఇతర ఏ నటుడికి కూడా సెట్‌ అవ్వదేమో అన్నట్లుగా నెటిజన్స్ కామెంట్స్ చేస్తున్నారు. అక్కినేని అభిమానులు చాలా ఇంట్రెస్ట్‌ గా ఎదురు చూస్తున్న లాల్‌ సింగ్‌ చద్దా షూటింగ్‌ సందర్బంగా తీసిన ఫొటో ఇది.

ఇప్పటికే అమీర్ ఖాన్‌ తో ఈ గెటప్ లో చైతూ కనిపించిన ఫొటోలు చాలానే ఉన్నాయి. అయితే ఇప్పటి వరకు వచ్చిన ఫొటోలతో పోల్చితే ఈ ఫొటో చాలా ప్రత్యేకంగా విభిన్నంగా ఉందంటూ అభిమానులు కామెంట్స్ చేస్తున్నారు. ఫిజిక్ మరియు లుక్‌ ఇంకా ఔట్ ఫిట్ ఇలా అన్ని విధాలుగా కూడా ఆర్మీ ఆఫీసర్ అంటే నిజంగా ఇలాగే ఉంటారు.. నిజమైన ఆఫీసర్‌ అయ్యి ఉంటాడు అన్నట్లుగా నెటిజన్స్ కామెంట్స్ చేస్తున్నారు. అమీర్ ఖాన్‌ వంటి బిగ్గెస్ట్‌ స్టార్ సినిమాలో ఇతర నటీ నటులు ఎవరు కూడా కనిపించరు. కనుక నాగచైతన్య కూడా పెద్దగా లాల్‌ సింగ్ చద్దా సినిమా వల్ల పేరు తెచ్చుకుంటాడా అంటే అనుమానమే అన్నట్లుగా నెటిజన్స్‌ ఇప్పటి వరకు కామెంట్స్ చేశారు.

చైతూ లుక్ చూసిన తర్వాత అమీర్ ఖాన్‌ తో పాటు చైతూ గురించి కూడా ఈ సినిమా విడుదల అయిన తర్వాత బాలీవుడ్‌ మీడియా మాట్లాడుతుందని.. హిందీ ప్రేక్షకులు ఈ సినిమా గురించి తప్పకుండా మాట్లాడుతారనే నమ్మకంను ఇండస్ట్రీ వర్గాల వారు వ్యక్తం చేస్తున్నారు. మొత్తానికి నాగచైతన్య కు బాలీవుడ్‌ లో మొదటి సినిమాతోనే మంచి గుర్తింపు రావడం ఖాయం అన్నట్లుగా టాక్ వినిపిస్తుంది. ఇక చైతూ నటించిన లవ్‌ స్టోరీ మరియు థ్యాంక్యూ సినిమాలు విడుదలకు సిద్దంగా ఉన్నాయి. ఇదే సమయంలో లాల్‌ సింగ్‌ చద్దా సినిమా కూడా విడుదల అవ్వబోతుంది.