గోవాలో కొట్టేస్తానంటున్న అక్కినేని హీరో

అక్కినేని నాగచైతన్య ఇప్పుడు ఫుల్ హుషారు మీదున్నాడు. వరుసగా సినిమాలను రిలీజ్ కి రెడీ చేసేస్తున్నాడు. ఒకవైపు నెలల తరబడి ఆగిపోయిన సాహసం శ్వాసగా సాగిపో చిత్రానికి ఆడియో విడుదల ప్లాన్ చేస్తుండగా.. మరో సినిమా షూటింగ్ కూడా పూర్తి చేసేస్తున్నాడు ఈ అక్కినేని హీరో. మలయాళ మూవీ ప్రేమమ్ ని తెలుగులో అదే పేరుతో రీమేక్ చేస్తున్నాడు నాగచైతన్య. జనవరిలో షూటింగ్ ప్రారంభించుకున్న ఈ చిత్రం.. ఇప్పుడు చివరి దశకు చేరుకుంది.

తుది షెడ్యూల్ కోసం.. ఇప్పుడు ప్రేమమ్ యూనిట్ అంతా గోవా బయల్దేరుతోంది. రెండు వారాలపాటు గోవాలో షూటింగ్ చేయనున్నారట. ఈ గోవా షెడ్యూల్ తో సినిమా షూటింగ్ మొత్తం పూర్తయిపోతుందని.. గుమ్మడికాయ కొట్టేస్తారని తెలుస్తోంది. ఈ మూవీలో చైతు మూడు వేరియేషన్స్ ఉన్న కేరక్టర్లో నటిస్తుండగా.. మూడు రకాల గెటప్స్ లో అలరించనున్నాడు. ప్రేమమ్ చిత్రంతో శృతిహాసన్ - అనుపమా పరమేశ్వరన్ - మడొన్నా సెబాస్టియన్ లు హీరోయిన్ లు గా నటించారు.

కార్తికేయ ఫేం చందూ మొండేటి దర్శకత్వంలో తెరకెక్కిన ఈ చిత్రాన్ని జూన్ లో రిలీజ్ చేయాలనే ఆలోచన ఉండగా.. ఇప్పుడీ షెడ్యూల్ ని సాహసం శ్వాసగా సాగిపో రిలీజ్ కొంత డిస్టర్బ్ చేసే అవకాశాలున్నాయి. అయితే.. ఒకేసారి రెండు సినిమాలను రెడీ చేసిన యంగ్ హీరోగా నాగచైతన్య రికార్డ్ సృష్టించనున్నాడు.